PM Modi in France; 20 ಗಂಟೆ ದುಡಿಯುವ ರಹಸ್ಯ ಹೇಳಿ: ಪ್ರಧಾನಿಗೆ ಯುವಕನ ಪ್ರಶ್ನೆ

ಪ್ಯಾರಿಸ್: ಫ್ರಾನ್ಸ್ ಪ್ರವಾಸಕ್ಕೆ ತೆರಳಿರುವ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರಿಗೆ ಪ್ಯಾರಿಸ್‌ ನಲ್ಲಿ ವಿಧ್ಯುಕ್ತ ಸ್ವಾಗತ ನೀಡಲಾಯಿತು. ಭಾರತೀಯರು ಅವರನ್ನು ಘೋಷಣೆಗಳನ್ನು ಮೊಳಗಿಸಿ ಆತ್ಮೀಯವಾಗಿ ಬರಮಾಡಿಕೊಂಡರು.

ಗುರುವಾರ ಸಂಜೆ ಭಾರತೀಯ ಕಾಲಮಾನ 4 ಗಂಟೆಗೆ ಸರಿಯಾಗಿ ಓರ್ಲಿ ವಿಮಾನ ನಿಲ್ದಾಣದಲ್ಲಿ ಫ್ರೆಂಚ್ ಪ್ರಧಾನಿ ಎಲಿಸಬೆತ್ ಬೋರ್ನ್ ಅವರಿಂದ ವಿಧ್ಯುಕ್ತ ಸ್ವಾಗತವನ್ನು ಪಡೆದರು. ಪ್ಯಾರಿಸ್‌ನ ಹೋಟೆಲ್‌ನ ಹೊರಗೆ ನೆರೆದಿದ್ದ ಭಾರತೀಯ ಮೂಲದ ಜನರು ಆತ್ಮೀಯವಾಗಿ ಸ್ವಾಗತಿಸಿದರು.

ಪ್ರಧಾನಿ ಅವರನ್ನು ಸ್ವಾಗತಿಸುತ್ತಿದ್ದ ವೇಳೆ ಭಾವಪರವಶನಾದ ಭಾರತ ಮೂಲದ ಯುವಕ ಪ್ರಧಾನಿ ಮೋದಿಯವರ ಬಳಿ ”ದಿನಕ್ಕೆ 20 ಗಂಟೆ ದುಡಿಯುವ ರಹಸ್ಯ ವೇನು ಎಂದು ಹಿಂದಿಯಲ್ಲಿ ಪ್ರಶ್ನಿಸಿದ್ದಾರೆ. ಪ್ರಧಾನಿ ಮೋದಿ ಬೆನ್ನು ತಟ್ಟಿ ದರು ಆದರೆ ಉತ್ತರಿಸಲಿಲ್ಲ, ಅವರು ಎಲ್ಲರಿಗೂ ಕೈ ಮುಗಿಯುತ್ತಾ ನಗು ನಗುತ್ತಾ ಮುಂದೆ ಸಾಗಿದರು.

ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಆಯೋಜಿಸುವ ಖಾಸಗಿ ಔತಣಕೂಟದಲ್ಲಿ ಪಾಲ್ಗೊಳ್ಳುವ ಮೊದಲು ಮೋದಿ ಅವರು ಫ್ರೆಂಚ್ ಸೆನೆಟ್ ಅಧ್ಯಕ್ಷ ಗೆರಾರ್ಡ್ ಲಾರ್ಚರ್ ಮತ್ತು ಪಿಎಂ ಎಲಿಸಬೆತ್ ಬೋರ್ನ್ ಅವರನ್ನು ಭೇಟಿಯಾಗಿ ಮಾತುಕತೆ ನಡೆಸಲಿದ್ದಾರೆ. ಸಂಜೆ, ಪ್ರಧಾನಮಂತ್ರಿಯವರು ಐಕಾನಿಕ್ ಲಾ ಸೀನ್ ಮ್ಯೂಸಿಕೇಲ್‌ನಲ್ಲಿ ಭಾರತೀಯ ಸಮುದಾಯದ ಸದಸ್ಯರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.