59 ನಿಮಿಷದಲ್ಲಿ 1 ಕೋಟಿ ಸಾಲ: ಸಣ್ಣ ಉದ್ದಿಮೆಗೆ ಪಿಎಂ ಮೋದಿ ಗಿಫ್ಟ್

ಹೊಸದಿಲ್ಲಿ : ಉದ್ಯಮಶೀಲತೆಗೆ ವಿಶೇಷ ಉತ್ತೇಜನ ನೀಡುವ ಸಲುವಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ದೀಪಾವಳಿಯ ಗಿಫ್ಟ್ ಪ್ರಕಟಿಸಿದ್ದಾರೆ.

ಕಿರು, ಸಣ್ಣ ಮತ್ತು ಮದ್ಯಮ ಮಟ್ಟದ (ಎಂಎಸ್‌ಎಂಇ) ಉದ್ಯಮಗಳಿಗೆ ಕೇವಲ 59 ನಿಮಿಷದಲ್ಲಿ  1 ಕೋಟಿ ರೂ. ವರೆಗಿನ ಸಾಲ ಮಂಜೂರು ಮಾಡಲಾಗುವುದು ಎಂದು ಪ್ರಧಾನಿ ಹೇಳಿದ್ದಾರೆ. ಮಾತ್ರವಲ್ಲದೆ ಮಹಿಳಾ ಉದ್ದಿಮೆದಾರರಿಗೆ ವಿಶೇಷ ರಿಯಾಯಿತಿ, ಲಾಭಗಳನ್ನು ಪ್ರಕಟಿಸಿದ್ದಾರೆ. 

ಜಿಎಸ್‌ಟಿ ಅಡಿ ನೋಂದಾವಣೆ ಮಾಡಿಕೊಂಡಿರುವ ಎಲ್ಲ ಕಿರು, ಸಣ್ಣ ಮತ್ತು ಮಧ್ಯಮ ಉದ್ದಿಮೆದಾರರಿಗೆ 1 ಕೋಟಿ ರೂ. ವರೆಗಿನ ಸಾಲದ ಮೇಲೆ ಶೇ.2ರ ಬಡ್ಡಿ ರಿಯಾಯಿತಿಯನ್ನೂ ಪ್ರಧಾನಿ ಮೋದಿ ಘೋಷಿಸಿದ್ದಾರೆ.

ಉದ್ದಿಮೆದಾರರನ್ನು ಬೆಂಬಲಿಸುವ ಮತ್ತು ಅವರನ್ನು ತಲುಪುವ ಅಭಿಯಾನದ ಅಂಗವಾಗಿ ಪ್ರಧಾನಿ ಮೋದಿ ಅವರಿಂದು ದಿಲ್ಲಿಯಲ್ಲಿ ಏರ್ಪಟ್ಟ ಕಾರ್ಯಕ್ರಮದಲ್ಲಿ ಎಂ ಎಸ್‌ ಎಂ ಇ ಗಳಿಗೆ ವಿಶೇಷ ಪ್ರೋತ್ಸಾಹನ ಕ್ರಮಗಳನ್ನು ಪ್ರಕಟಿಸಿದರು.