ಮಸೀದಿಗಳಿಗೆ ಪ್ಲಾಸ್ಟಿಕ್‌ ಹೊದಿಕೆ

ಹುಮನಾಬಾದ: ಹೋಳಿ ಆಚರಣೆ ವೇಳೆ ಅಹಿತಕರ ಘಟನೆಗಳು ನಡೆಯದಂತೆ ಮುಂಜಾಗ್ರತಾ ಕ್ರಮವಾಗಿ ನಗರದ ಮುಖ್ಯ ರಸ್ತೆಗಳಿಗೆ ಹೊಂದಿಕೊಂಡಿರುವ ಮಸೀದಿಗಳಿಗೆ ಪುರಸಭೆ ಅಧಿಕಾರಿಗಳು ಮಂಗಳವಾರ ರಾತ್ರಿ ಪ್ಲಾಸ್ಟಿಕ್‌ ಹೊದಿಕೆ ಅಳವಡಿಸಿದ್ದಾರೆ.

ಪೊಲೀಸ್‌ ಇಲಾಖೆ ಸೂಚನೆ ಮೇರೆಗೆ ನಗರದ ಆಖಾಡಾ ಓಣಿಯ ನೂರ್‌ ಮಸೀದಿ, ಜೇರಪೇಟೆ ಗೋಗಿಸಾಬ್‌ ಮಸೀದಿ, ಹಳೆ ಅಡತ್‌ ಬಜಾರದ ಜಾಮಾ ಮಸೀದಿ, ಶಿವಪುರ ಓಣಿ ಗರೀಬ ನವಾಜ ಮಸೀದಿ, ಎಸ್‌ಬಿಐ ಬ್ಯಾಂಕ್‌ ಎದುನ ಆಸರ ಮುಬಾರಖ ಮಸೀದಿ ಮತ್ತು ಮೆಹತಾಬ್‌ ಮಸೀದಿಗಳ ಮುಂಭಾಗಕ್ಕೆ ಪ್ಲಾಸ್ಟಿಕ್‌ ಕವಚ ಅಳವಡಿಸಲಾಗಿದೆ. ಮೂರು ವರ್ಷಗಳಿಂದ ಕಡ್ಡಾಯವಾಗಿ ಪ್ಲಾಸ್ಟಿಕ್‌ ಹೊದಿಕೆ ಅಳವಡಿಸಲಾಗುತ್ತಿದೆ.