ಸಲ್ಮಾನ್, ಕತ್ರಿನಾ ನಟನೆಯ ಭಾರತ್ ಚಿತ್ರದ ವಿರುದ್ಧ ಪಿಐಎಲ್; ಏನಿದು ದೂರು

ಮುಂಬೈ: ಬಾಲಿವುಡ್ ನ ಬಹು ನಿರೀಕ್ಷಿತ ಸಿನಿಮಾವಾದ ಸಲ್ಮಾನ್ ಖಾನ್ ಹಾಗೂ ಕತ್ರಿನಾ ಕೈಫ್ ನಟನೆಯ ಭಾರತ್ ಚಿತ್ರದ ವಿರುದ್ಧ ಇದೀಗ ಪಿಐಎಲ್(ಸಾರ್ವಜನಿಕ ಹಿತಾಸಕ್ತಿ ದೂರು) ದಾಖಲಾಗಿದೆ.

ಭರತ್ ಸಿನಿಮಾದಲ್ಲಿ ಜನರ ಭಾವನೆಗೆ ಧಕ್ಕೆ ತರಲಾಗಿದೆ ಎಂದು ದೂರಿ ದೆಹಲಿ ಕೋರ್ಟ್ ನಲ್ಲಿ ದೂರು ದಾಖಲಿಸಲಾಗಿದೆ. ಸಿನಿಮಾದ ಹೆಸರನ್ನು ಬದಲಾಯಿಸಬೇಕೆಂದು ಪಿಐಎಲ್ ನಲ್ಲಿ ಆಗ್ರಹಿಸಲಾಗಿದೆ.

ಸಿನಿಮಾದ ಹೆಸರು ಸೆಕ್ಷನ್ 3 ರ ಪ್ರಕಾರ, ಲಾಂಛನ ಮತ್ತು ಹೆಸರು ಕಾಯ್ದೆಯ ಪ್ರಕಾರ ಭಾರತ್ ಹೆಸರನ್ನು ಬಳಸುವಂತಿಲ್ಲ. ಅಲ್ಲದೇ ಭಾರತ್ ಎಂಬ ಹೆಸರನ್ನು ಯಾವುದೇ ವೃತ್ತಿ ಮತ್ತು ವಾಣಿಜ್ಯ ಬಳಕೆಗೆ ಉಪಯೋಗಿಸಿಕೊಳ್ಳುವಂತಿಲ್ಲ ಎಂದು ಪಿಐಎಲ್ ನಲ್ಲಿ ಪ್ರತಿಪಾದಿಸಿದ್ದಾರೆ.