ಅಂಬಾಲ: ಫ್ರಾನ್ಸ್‌ನಿಂದ ಸದ್ಯದಲ್ಲೇ ಭಾರತಕ್ಕೆ ಆಗಮಿಸಲಿರುವ ರಫೇಲ್ ಯುದ್ಧ ವಿಮಾನಗಳಿಗೆ ನೆಲೆಯಾಗಲಿರುವ ಅಂಬಾಲ ವಾಯು ನೆಲೆಗೆ ಪಾರಿವಾಳಗಳ ಕಾಟ ಆರಂಭವಾಗಿದೆ! ವಾಯುನೆಲೆಯ ಸುತ್ತಲಿನ ಪ್ರಾಂತ್ಯಗಳ ಜನತೆ ಪಾರಿವಾಳಗಳನ್ನು ಹೆಚ್ಚಾಗಿ ಸಾಕಲಾರಂಭಿಸಿದ್ದು, ಅವುಗಳ ಹಾರಾಟದಿಂದ ಭಾರತೀಯ ವಾಯುಪಡೆ ವಿಮಾನಗಳಿಗೆ ತೊಂದರೆಆಗಿದೆ ಎಂದು ಹೇಳಲಾಗಿದೆ. ಒಂದೇ ಒಂದು ಪಾರಿವಾಳವು ವಿಮಾನಕ್ಕೆ ಡಿಕ್ಕಿ ಹೊಡೆದರೂ ಸಾಕು ವಿಮಾನ ಪತನವಾಗುವ ಅಪಾಯಗಳಿರುತ್ತದೆ. ಮೇ 2020ರಿಂದ ಈ ವಾಯುನೆಲೆಗೆ ರಫೇಲ್ ಯುದ್ಧ ವಿಮಾನಗಳು ಆಗಮಿಸಲಿದ್ದು, ಮಂದೆ ಇದೇ ವಾಯುನೆಲೆಯು ಅವುಗಳ ಶಾಶ್ವತ ನೆಲೆಯಾಗಲಿದೆ. ಮೊದಲ ಹೆಜ್ಜೆಯಲ್ಲಿ 17 ಯುದ್ಧ ವಿಮಾನಗಳು ಇಲ್ಲಿ ಆಶ್ರಯ ಪಡೆಯಲಿವೆ. ಅಷ್ಟರೊಳಗೆ, ಸ್ಥಳೀಯರ ಮನವೊಲಿಸಿ ಪಾರಿವಾಳಗಳ ಸಾಕಾಣಿಕೆಯನ್ನು ನಿಲ್ಲಿಸುವಂತೆ ಪ್ರಯತ್ನಿಸಲು ಅಧಿಕಾರಿಗಳು ಚಿಂತನೆ ನಡೆಸಿದ್ದಾರೆ.
