ನ್ಯಾಷನಲ್‌ ಪೋಟ್ರೈಟ್‌ ಗ್ಯಾಲರಿಯಲ್ಲಿ ಇಂದ್ರಾ ನೂಯಿ ಫೋಟೋ

ವಾಷಿಂಗ್ಟನ್‌: ಪೆಪ್ಸಿಕೋ ಕಂಪನಿಯ ನಿವೃತ್ತ ಸಿಇಒ ಇಂದ್ರಾ ನೂಯಿ ಫೋಟೋವನ್ನು ನ್ಯಾಷನಲ್‌ ಪೋಟ್ರೈಟ್‌ ಗ್ಯಾಲರಿಯಲ್ಲಿ ಸೇರ್ಪಡೆ ಮಾಡಲಾಗಿದೆ. ಜತೆಗೆ ಅಮೆಜಾನ್‌ ಸಿಇಒ ಜೆಫ್ ಬೆಝೋಜ್‌ರ ಛಾಯಾಚಿತ್ರವನ್ನೂ ಸೇರಿಸಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಇಂದ್ರಾ ನೂಯಿ, ಯಾವ ಸಮುದಾಯ, ದೇಹದ ಬಣ್ಣ, ಜನಾಂಗೀಯ ಹಿನ್ನೆಲೆಗೆ ಸೇರಿದವರು ಎನ್ನುವುದು ಮುಖ್ಯವಲ್ಲ. ದೇಶದ ಪ್ರಸಿದ್ಧ ಚಿತ್ರಕಲಾ ಸಂಸ್ಥೆಯಲ್ಲಿ ನನ್ನ ಫೋಟೋ ಸೇರಿಕೊಂಡದ್ದು ಸಂತಸ ತಂದಿದೆ ಎಂದಿದ್ದಾರೆ. ನೂಯಿ, ಬೆಝೋಜ್‌ ಜತೆಗೆ ಫ್ರಾನ್ಸಿಸ್‌ ಅರ್ನಾಲ್ಡ್‌, ಲಿನ್‌-ಮ್ಯಾನ್ಯುವಲ್‌ ಮಿರಾಂಡಾ ಮತ್ತು ಇತರ ಪ್ರಮುಖರ ಚಿತ್ರಗಳು ಇವೆ.