ಉಡುಗೊರೆ ಹಣಕ್ಕೂ ಫೋನ್‌ ಪೇ!

‌ಮಧುರೆ: ಮದುವೆಗೆ ಹೋಗುವ ದಿನವೇ ವಧು ವರರಿಗೆ ನಗದು ರೂಪದ ಉಡುಗೊರೆ ನೀಡಲು ಕವರ್‌ಗೆ ಹುಡುಕಾಡುತ್ತೇವೆ. ಆದರೆ ಮಧುರೆಯಲ್ಲಿ ದಾಂಪತ್ಯ ಜೀವನ ಪ್ರವೇಶ ಮಾಡಿದ ನವಜೋಡಿ ಹೊಸ ಉಪಾಯ ಕಂಡು ಕೊಂಡಿದೆ.

ಉಡುಗೊರೆ ನೀಡುವವರು ಬ್ಯಾಂಕ್‌ ಖಾತೆಗೇ ಮೊತ್ತ ವರ್ಗಾವಣೆ ಮಾಡಲು ಗೂಗಲ್‌ ಪೇ ಮತ್ತು ಫೋನ್‌ ಪೇ ದಾರಿಯನ್ನು ನೀಡಿದೆ. ಆಮಂತ್ರಣ ಪತ್ರದಲ್ಲೇ ಇದಕ್ಕಾಗಿ ಕ್ಯೂಆರ್‌ ಕೋಡ್‌ ಅನ್ನೂ ಒದಗಿಸಲಾಗಿದೆ. ಈ ಬಗ್ಗೆ ಮಾತನಾಡಿದ ವಧುವಿನ ತಾಯಿ ಜಯಂತಿ, “30 ಬಂಧುಗಳು  ಕ್ಯೂಆರ್‌ ಕೋಡ್‌ ಮೂಲಕ ನವ ದಂಪತಿಗೆ ಉಡುಗೊರೆ ಮೊತ್ತವನ್ನು ವರ್ಗಾಯಿಸಿದ್ದಾರೆ. ಮೊದಲ ಬಾರಿಗೆ ಇಂಥ ವಿನೂತನ ಐಡಿಯಾ ಮಾಡಲಾಗಿದೆ’ ಎಂದಿದ್ದಾರೆ.