ವಿವಿ ವೆಬ್‌ಸೈಟಿನಲ್ಲಿ ಪಿಎಚ್‌ಡಿ ವಿದ್ಯಾರ್ಥಿಗಳ ವಿವರ ಕಡ್ಡಾಯ

ನವದೆಹಲಿ: ಪಿಎಚ್‌ಡಿ ಮಾಡುತ್ತಿರುವ ವಿದ್ಯಾರ್ಥಿಗಳ ವಿವರವನ್ನು ಆಯಾ ವಿಶ್ವವಿದ್ಯಾಲಯಗಳು ವೆಬ್‌ಸೈಟ್‌ನಲ್ಲಿ ದಾಖಲಿಸದೆ ಇದ್ದರೆ, ವಿದ್ಯಾರ್ಥಿಗಳ ಹೆಸರುಗಳನ್ನು ಸಾರ್ವಜನಿಕವಾಗಿ ಬಹಿರಂಗ ಮಾಡುವುದಾಗಿ ಯುಜಿಸಿ ಎಚ್ಚರಿಕೆ ನೀಡಿದೆ. 

ಕಳೆದವರ್ಷವೇ ಯುಜಿಸಿ ದೇಶದ ಎಲ್ಲ ವಿವಿಗಳಿಗೆ ಸಂಶೋಧನಾ ವಿದ್ಯಾರ್ಥಿಗಳ ಡಾಟಾ ಸಂಗ್ರಹಿಸಲು ಸೂಚಿಸಿತ್ತು. ಆದರೆ, ಇದನ್ನು ಪಾಲಿಸಿದ್ದು ಕೆಲವೇ ವಿವಿಗಳಷ್ಟೇ. ಇನ್ನೆರಡು ತಿಂಗಳೊಳಗೆ ದಾಖಲಾತಿ ಕೆಲಸ ಕಡ್ಡಾಯ ಪೂರ್ಣಗೊಳಿಸಲು ಯುಜಿಸಿ ನಿರ್ದೇಶಿಸಿದೆ. ಇದೇ ವೇಳೆ ತಮ್ಮ ಕಾರ್ಯವೈಖರಿಯಿಂದ ಆರ್ಥಿಕವಾಗಿ ಹೊರೆಯಾಗಿರುವ  11 ವಿಶ್ವವಿದ್ಯಾಲಯಗಳ ಕಾರ್ಯಯೋಜನೆಗಳ ಲೆಕ್ಕವನ್ನು ಯುಜಿಸಿ ಕೇಳಿದೆ. ಈ ಪಟ್ಟಿಯಲ್ಲಿ ಕರ್ನಾಟಕದ ವಿವಿಗಳ ಹೆಸರು ಪ್ರಸ್ತಾಪವಾಗಿಲ್ಲ.