ಜಿಎಸ್‌ಟಿ ಮೊದಲ ಖುಷಿ ತೈಲ ದರ ಇಳಿಕೆ

ಬೆಂಗಳೂರು: ಮಧ್ಯರಾತ್ರಿ ಜಿಎಸ್‌ಟಿ ಜಾರಿಯಾದ ಕೂಡಲೇ ಪೆಟ್ರೋಲ್‌, ಡೀಸೆಲ್‌ ದರ ಇಳಿಕೆಯಾಗಿ ಜನರಿಗೆ ಮೊದಲ ಸಂತೋಷ ಸಿಕ್ಕಿದೆ. ಶುಕ್ರವಾರ ಬೆಂಗಳೂರಿನಲ್ಲಿ 57.80 ರೂ. ಇದ್ದ ಡೀಸೆಲ್‌ ದರ, ಶನಿವಾರ ಬೆಳಗ್ಗೆ 6 ಗಂಟೆಗೆ ಅನ್ವಯವಾಗುವಂತೆ 54.23 ರೂ.ಗೆ ಇಳಿಕೆಯಾಗಿದೆ. 67.66 ರೂ. ಇದ್ದ ಪೆಟ್ರೋಲ್‌ ದರ 64.24 ರೂ.ಗಳಿಗೆ ಇಳಿಕೆಯಾಗಿದೆ. ಅಂದರೆ ಡೀಸೆಲ್‌ನಲ್ಲಿ 3.57 ರೂ. ಕಡಿತವಾಗಿದ್ದರೆ, ಪೆಟ್ರೋಲ್‌ನಲ್ಲಿ 3.42 ರೂ.ನಷ್ಟು ಇಳಿಕೆಯಾಗಿದೆ.

ಇದುವರೆಗೆ ಇದ್ದ ಬೇರೆ ಎಲ್ಲ ರೀತಿಯ ತೆರಿಗೆಗಳು ಹೋಗಿ, ಜಿಎಸ್‌ಟಿಯೊಂದೇ ಜಾರಿಯಾಗಿರುವ ಹಿನ್ನೆಲೆಯಲ್ಲಿ ಎರಡರಲ್ಲೂ ಈ ಪ್ರಮಾಣದ ಇಳಿಕೆಯಾಗಿದೆ.