ನಿಂತೇ ಇಲ್ಲ ತೈಲ ಬೆಲೆಯೇರಿಕೆ

ಹೊಸದಿಲ್ಲಿ: ಪೆಟ್ರೋಲ್‌, ಡೀಸೆಲ್‌ ಬೆಲೆ ಸತತ 17ನೇ ದಿನವೂ ಏರಿಕೆಯಾಗಿದೆ. ಇಷ್ಟೂ ದಿನಗಳಲ್ಲಿ ಪೆಟ್ರೋಲ್‌ ಬೆಲೆ ಲೀಟ­­ ರ್‌ವೊಂದಕ್ಕೆ 8.80 ರೂ., ಡೀಸೆಲ್‌ ಬೆಲೆ 9.55 ರೂ.ನಷ್ಟು ಏರಿದೆ. ಎರಡೂ ತೈಲ­ಗಳು 10 ರೂ.ನಷ್ಟು ಹೆಚ್ಚಳಕ್ಕೆ ಅತಿ ಸನಿಹ­ವಾಗಿವೆ. ಮಂಗಳವಾರ ಒಂದು ಲೀ. ಪೆಟ್ರೋಲ್‌ ಬೆಲೆ 20 ಪೈಸೆಯಷ್ಟು ಏರಿ 82.35ರೂ.ಗೆ, ಡೀಸೆಲ್‌ ಬೆಲೆ 53 ಪೈಸೆ ಏರಿ 75.51 ರೂ.ಗೆ ಮುಟ್ಟಿದೆ. ಕೊರೊನಾದಿಂದ ಈಗಾಗಲೇ ಕಂಗೆಟ್ಟಿ­ರುವ ಗ್ರಾಹ­ಕರು ಅಕ್ಷರಶಃ ದಿಗ್ಭ್ರಾಂತ ಸ್ಥಿತಿಗೆ ತಲುಪಿದ್ದಾರೆ.

ಎರಡೂ ತೈಲಗಳ ಬೆಲೆ 10 ರೂ.ನಷ್ಟು ಏರಿದ ನಂತರವೇ ನಿಲ್ಲಿಸುವ ಲೆಕ್ಕಾಚಾರವಿದೆ ಎನ್ನಲಾ ಗಿದೆ. ಕೇಂದ್ರ ಸರಕಾರ ಮೇ 6ರಂದು ಕೊರೊನಾ ಪರಿಹಾರಕ್ಕೆ ಹಣ ಸಂಗ್ರಹಿ­ಸಲು; ಪೆಟ್ರೋಲ್‌ ಹಾಗೂ ಡೀಸೆಲ್‌ ಮೇಲೆ ಲೀ.ವೊಂದಕ್ಕೆ ಕ್ರಮ ವಾಗಿ 10, 13 ರೂ. ಅಬಕಾರಿ ಸುಂಕ ಏರಿಸಿತ್ತು. ಆದರೆ ಆಗ ಕಚ್ಚಾತೈಲದ ಬೆಲೆ ಕಡಿಮೆಯಿ ದ್ದುದರಿಂದ ಕಂಪೆನಿಗಳಿಗೆ ತಲೆನೋವಾಗಲಿಲ್ಲ. ಈಗ ಕಚ್ಚಾ ತೈಲದ ಬೆಲೆಯೇರಿದೆ. ಕಂಪೆನಿಗಳು ಈ ವೆಚ್ಚವನ್ನು ಗ್ರಾಹಕರ ಮೇಲೆ ವರ್ಗಾಯಿಸಲು ಆರಂಭಿಸಿವೆ.