ಪೆಟ್ರೋಲ್‌, ಡೀಸೆಲ್‌ ಬೆಲೆ ಇಳಿಕೆ

ಹೊಸದಿಲ್ಲಿ: ಪೆಟ್ರೋಲ್‌, ಡೀಸೆಲ್‌ ಬೆಲೆಯಲ್ಲಿ ಸತತ 3ನೇ ದಿನ ಇಳಿಕೆಯಾಗಿದ್ದು ಶನಿವಾರ 38ರಿಂದ 40 ಪೈಸೆಗಳಷ್ಟು ಇಳಿಕೆ ಕಂಡಿದೆ.
ಪ್ರಸ್ತುತ ದಿಲ್ಲಿಯಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ ಬೆಲೆ 81.99ರಷ್ಟಿದ್ದರೆ, ಮುಂಬಯಿಯಲ್ಲಿ 87.46 ರೂ., ಕೋಲ್ಕತಾದಲ್ಲಿ 83.83 ರೂ.ಗಳಷ್ಟಾಗಿತ್ತು. ಡೀಸೆಲ್‌ ಬೆಲೆಯಲ್ಲಿ 18 ಪೈಸೆಯಷ್ಟು ಇಳಿಕೆ ಯಾಗಿದ್ದು, ದಿಲ್ಲಿಯಲ್ಲಿ ಪ್ರತಿ ಲೀ.ಗೆ 75.36 ರೂ.ಗಳಷ್ಟಿದ್ದರೆ, ಮುಂಬಯಿಯಲ್ಲಿ 79 ರೂ., ಚೆನ್ನೈಯಲ್ಲಿ 79.75 ರಷ್ಟಿತ್ತು. ಬೆಂಗಳೂರಿನಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ಗೆ 82.64 ರೂ. ಆಗಿದ್ದರೆ, ಪ್ರತಿ ಲೀಟರ್‌ ಡೀಸೆಲ್‌ಗೆ 75.75 ರೂ. ಆಗಿದೆ. ಅಂದರೆ ಪ್ರತಿ ಲೀಟರ್‌ ಪೆಟ್ರೋಲ್‌ಗೆ 39 ಪೈಸೆ, ಡೀಸೆಲ್‌ಗೆ 12 ಪೈಸೆ ಇಳಿಕೆಯಾಗಿದೆ. 
ಅ. 5ರಂದು ಕೇಂದ್ರ ಸರಕಾರ ತೆರಿಗೆ ಪ್ರಮಾಣ 2.50 ರೂ.ನಷ್ಟು ಇಳಿಕೆ ಮಾಡಿತ್ತು.