ಮನುಷ್ಯರಿಂದ ಮುತ್ತು ಕೇಳುತ್ತೆ ಈ ಗಿಳಿ-ವೀಡಿಯೋ ವೈರಲ್‌

ಸಾಕು ಗಿಳಿಗಳು ಮಾತನಾಡಬಲ್ಲವು. ಆದರೆ ಈ ಗಿಳಿ ಬರೀ ಮಾತನಾಡುವುದಷ್ಟೇ ಅಲ್ಲ, ಮನುಷ್ಯರಿಂದ ಮುತ್ತು ಕೇಳಿ ಪಡೆದುಕೊಳ್ಳುತ್ತದೆ ಕೂಡ.

ಇಂತದ್ದೊಂದು ಚಂದದ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಗಿಳಿಯು ನಡೆದಾಡುತ್ತಾ ಮಾತನಾಡುತ್ತದೆ. “ಸ್ವೀಟಿ, ಇಲ್ಲಿ ಬಾ. ಮುತ್ತು ಕೊಡು’ ಎಂದು ಪದೇ ಪದೆ ಹೇಳುತ್ತಾ ನಡೆಯುತ್ತದೆ. ಹತ್ತಿರ ಬಂದ ಮಾಲೀಕನಿಂದ ಮುತ್ತನ್ನೂ ಪಡೆದುಕೊಳ್ಳುತ್ತದೆ.

ಈ ವೀಡಿಯೋವನ್ನು “ಪಿಕು ಆ್ಯನ್‌ ಅಡೋರೇಬಲ್‌ ಬರ್ಡ್‌’ ಹೆಸರಿನ ಇನ್‌ಸ್ಟಾಗ್ರಾಂ ಖಾತೆ ಹಂಚಿಕೊಂಡಿದ್ದು, ವಿಡಿಯೋ 9 ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದೆ.