Advertisement
ಬುಧವಾರದ ಸಂತೆ ಅಧಿಕೃತವಾಗಿದ್ದು, ಅನುಮತಿಯಿದೆ. ಬೃಹತ್‌ ಕೈಗಾರಿಕೆಗಳು ಸುರತ್ಕಲ್‌ ಸುತ್ತಮುತ್ತ ಆರಂಭವಾದಾಗ ಸಾವಿರಾರು ಕಾರ್ಮಿಕರ ಅನುಕೂಲಕ್ಕಾಗಿ ವಾರದ ರಜಾದಿನವಾದ ರವಿವಾರ ವ್ಯಾಪಾರಿಗಳು ಸಂತೆ ಆರಂಭಿಸಿದ್ದಾರೆ. 30 ವರ್ಷಗಳಲ್ಲಿ ಯಾರದ್ದೂ ಆಕ್ಷೇಪ ಇರಲಿಲ್ಲ. ಇದೀಗ ಬಡವರ ವ್ಯಾಪಾರಕ್ಕೆ ಅಡ್ಡಿಯುಂಟು ಮಾಡುವುದು ಉಚಿತವಲ್ಲ ಎಂದು ನುಡಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಸ್ಥಳೀಯ ಮನಪಾ ಸದಸ್ಯ ವರುಣ್‌ ಚೌಟ ಸುರತ್ಕಲ್‌ ಅವರು, ಮಾರುಕಟ್ಟೆ ವ್ಯಾಪಾರಸ್ಥರು ರವಿವಾರದ ಸಂತೆ ವ್ಯಾಪಾರಕ್ಕೆ ವಿರೋಧ ವ್ಯಕ್ತ ಪಡಿಸಿದ್ದಾರೆ. ಹಾಗಾಗಿ ಸಂತೆ ವ್ಯಾಪಾರಕ್ಕೆ ಅನುಮತಿ ನೀಡುವ ಬಗ್ಗೆ ಪಾಲಿಕೆಯಲ್ಲಿ ಚರ್ಚೆಯಾಗ ಬೇಕಿದೆ ಎಂದರು.
ಸ್ಥಾಯೀ ಸಮಿತಿ ಸಭೆಯಲ್ಲಿ ಚರ್ಚಿಸಿ ರವಿವಾರದ ಸಂತೆಗೆ ಅನುಮತಿ ನೀಡುವ ಕುರಿತು ನಿರ್ಧರಿಸಲಾಗುವುದು ಎಂದು ಆಯುಕ್ತ ಶ್ರೀಧರ್‌ ಹೇಳಿದರು. ಪಾಲಿಕೆಯಿಂದ ಅನುಮತಿ ಸಿಗುವವರೆಗೆ ಬಡ ಸಂತೆ ವ್ಯಾಪಾರಸ್ಥರಿಗೆ ಬುಧವಾರ ಸಂತೆ ವ್ಯಾಪಾರದ ಜತೆಗೆ ರವಿವಾರವೂ ಅನುಮತಿ ನೀಡಿ ಬಡವರ್ಗದವರ ಕಷ್ಟಗಳಿಗೆ ಸ್ಪಂದಿಸುವ ಕೆಲಸ ಮಾಡಬೇಕು ಎಂದು ಮಹೋಹರ್‌ ಶೆಟ್ಟಿ ಒತ್ತಾಯಿಸಿದರು.