ನರ್ಸಿಂಗ್‌ ವಿದ್ಯಾರ್ಥಿನಿಯ ರೇಪ್‌: ಪೀಸ್‌ ಪಾರ್ಟಿ ಅಧ್ಯಕ್ಷ ಅರೆಸ್ಟ್‌

ಲಕ್ನೋ : 22 ವರ್ಷ ಪ್ರಾಯದ ನರ್ಸಿಂಗ್‌ ವಿದ್ಯಾರ್ಥಿನಿಯ ಮೇಲೆ ಅತ್ಯಾಚಾರ ಎಸಗಿದ ಆರೋಪದ ಮೇಲೆ ಮಾಜಿ ಶಾಸಕ ಮತ್ತು ಪೀಸ್‌ ಪಾರ್ಟಿ ಅಧ್ಯಕ್ಷ ಡಾ. ಮೊಹಮ್ಮದ್‌ ಅಯೂಬ್‌ ಅವರನ್ನು ಲಕ್ನೋದಲ್ಲಿ ಬಂಧಿಸಲಾಗಿರುವುದಾಗಿ ವರದಿಗಳು ತಿಳಿಸಿವೆ. 

ಅಯೂಬ್‌ ಅವರನ್ನು ನಿನ್ನೆ ಮಂಗಳವಾರ ಸಂಜೆ ಲಕ್ನೋದ  ಅಲಿಗಂಜ್‌ ಥಾಣೆಯಲ್ಲಿ ಬಂಧಿಸಲಾಯಿತು.

ಲವರ್‌ ಮತ್ತು ಕಿಡ್ನಿ ಹಾನಿಗೆ ಗುರಿಯಾಗಿದ್ದ ರೇಪ್‌ ಸಂತ್ರಸ್ತ ಹುಡುಗಿಯು ಲಕ್ನೋದ ಕಿಂಗ್‌ ಜಾರ್ಜ್‌ ಮೆಡಿಕಲ್‌ ಯುನಿವರ್ಸಿಟಿಯ ಟ್ರೋಮಾ ಸೆಂಟರ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಕಳೆದ ಫೆಬ್ರವರಿ 24ರಂದು ಕೊನೆಯುಸಿರೆಳೆದಿದ್ದಳು. 

ಹುಡುಗಿಯು ಸಹೋದರು ಮಾದಿಯಾಂವೋ ಪೊಲೀಸ್‌ ಠಾಣೆಗೆ ಈ ಸಂಬಂಧ ದೂರು ಕೊಟ್ಟು, “ಅಯೂಬ್‌ ನನ್ನ ಸಹೋದರಿ ಮೇಲೆ ಅತ್ಯಾಚಾರ ಎಸಗಿದ್ದಾನೆ ಮತ್ತು ಆಕೆಗೆ ಆತ ತಪ್ಪು ಔಷಧ ಕೊಟ್ಟದ್ದರಿಂದ ಆಕೆಯ ಸಾವು ಸಂಭವಿಸಿದೆ’ ಎಂದು ಹೇಳಿದ್ದಾನೆ.