ಯುರೋಪ್‌ ನಲ್ಲಿ ಪತಂಜಲಿ ಉತ್ಪಾದನಾ ಘಟಕ?

ಲಂಡನ್‌: ಪತಂಜಲಿ ಉತ್ಪನ್ನಗಳಿಗೆ ವಿದೇಶಗಳಿಂದಲೂ ಭಾರೀ ಬೇಡಿಕೆ ಬರುತ್ತಿದ್ದು, ಯುಕೆ ಮತ್ತು ಯುರೋಪ್‌ ನಲ್ಲಿ ಉತ್ಪಾದನಾ ಘಟಕ ಆರಂಭಿಸುವ ಬಗ್ಗೆ ಸದ್ಯದಲ್ಲೇ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಯೋಗಗುರು ಬಾಬಾ ರಾಮ್‌ ದೇವ್‌ ತಿಳಿಸಿದ್ದಾರೆ. ಇಲ್ಲೂ ಉತ್ಪಾದನಾ ಘಟಕ ಸ್ಥಾಪಿಸುವಂತೆ ಹಲವು ಪ್ರಸ್ತಾಪಗಳು ಬಂದಿವೆ. ಈ ದೇಶಗಳ ಕಾನೂನಿಗೆ ಅನುಗುಣವಾಗಿ ನಿರ್ಧಾರ ಕೈಗೊಳ್ಳುತ್ತೇವೆ. ಪತಂಜಲಿಯ ಸುಮಾರು 140 ಉತ್ಪನ್ನಗಳು ಬ್ರಿಟನ್‌ ನಲ್ಲಿ ಮಾರಾಟವಾಗುತ್ತಿವೆ ಎಂದೂ ಹೇಳಿದ್ದಾರೆ. ಅಂತಾರಾಷ್ಟ್ರೀಯ ಯೋಗ ದಿನದ ಹಿನ್ನೆಲೆಯಲ್ಲಿ ಲಂಡನ್‌ ಮತ್ತು ಯುಕೆಯ ಹಲವು ನಗರಗಳಲ್ಲಿ ಅವರು ಸರಣಿ ಯೋಗ ತರಗತಿಗಳನ್ನು ನಡೆಸಿದ್ದಾರೆ.