Advertisement
ದೇಶವಾಸಿಗಳಿಗೆ ಆಧಾರ್‌ ಸಂಖ್ಯೆ ಉಪಯುಕ್ತ ಮತ್ತು ಉತ್ಕೃಷ್ಟ ದಾಖಲೆಯ ಗುರುತಿನ ಚೀಟಿಯಾಗಿ ಬಳಕೆಯಾಗುತ್ತಿದೆ. ಈ ಆಧಾರ ಮಾದರಿಯಲ್ಲೇ ಹಸು ಮತ್ತು ಎಮ್ಮೆಗಳಿಗೂ ಗುರುತಿನ ಸಂಖ್ಯೆಯುಳ್ಳ ಟ್ಯಾಗ್‌ ಅಳವಡಿಸಲಾಗುತ್ತಿದೆ. ಕಾಲಕಾಲಕ್ಕೆ ಚುಚ್ಚುಮದ್ದು ಸಿಗುತ್ತದೆಯೇ ಎಂಬ ಮಾಹಿತಿ ಸಂಗ್ರಹಿಸುವುದು, ಉತ್ತಮ ಸಂತಾನ ಕ್ರಿಯೆ, ರಾಸುಗಳ ಆರೋಗ್ಯದ ಮೇಲೆ ನಿಗಾ ಇಡುವುದು, ಹಾಲು ಉತ್ಪಾದನೆ ಹೆಚ್ಚಳ ಜತೆಗೆ ಪಶುಗಳ ವ್ಯಾಪಾರಕ್ಕೆ ಅನುಕೂಲ ಮಾಡಿಕೊಡುವುದು ಯೋಜನೆಯ ಉದ್ದೇಶವಾಗಿದೆ.
ಒಮ್ಮೆ ಜಾನುವಾರುಗಳ ಕಿವಿಗೆ ಟ್ಯಾಗ್‌ ಹಾಕಿದ ಬಳಿಕ ಅದರ 12 ಅಂಕೆಗಳ ಗುರುತಿನ ಸಂಖ್ಯೆಯನ್ನು ಅಂತರ್ಜಾಲದ ಡಾಟಾ ಬೇಸ್‌ನಲ್ಲಿ ನಮೂದಿಸಲಾಗುತ್ತದೆ. ದತ್ತಾಂಶ ಸಂಗ್ರಹಕ್ಕಾಗಿ ವಿಶಿಷ್ಟ ಸಂಖ್ಯೆಯನ್ನು ಜಾನುವಾರು ಮಾಲೀಕರಿಗೆ ನೀಡಿ, ಆ ದತ್ತಾಂಶದಲ್ಲಿ ಮಾಲೀಕನ ಹೆಸರು, ರಾಸು ತಳಿ, ಸಂತಾನೋತ್ಪತ್ತಿ ಮತ್ತು ಹಾಕಿಸಲಾದ ಲಸಿಕೆ ವಿವರಗಳನ್ನು ದಾಖಲಿಸಲಾಗುತ್ತದೆ.
Related Articles
Advertisement
26 ಲಕ್ಷ ಟ್ಯಾಗ್‌:ದೇಶದಲ್ಲಿ ಗುಜರಾತ್‌ ನಂತರ ಅಧಿಧಿಕ ಪ್ರಮಾಣದ ಹಾಲು ಉತ್ಪಾದನೆ ಆಗುವುದು ಕರ್ನಾಟಕದಲ್ಲಿ. ಸದ್ಯ ಇಯರ್‌ ಟ್ಯಾಗ್‌ ಅಳವಡಿಕೆ ಅನುಷ್ಠಾನ ವೇಗದಿಂದ ನಡೆದಿದೆ. ಸದ್ಯ ಹಾಲು ನೀಡುವ ಜಾನುವಾರುಗಳಿಗೆ ಮಾತ್ರ ಈ ಟ್ಯಾಗ್‌ ಹಾಕಲಾಗುತ್ತಿದೆ. ಬೀದರನಲ್ಲಿ 1 ಲಕ್ಷ ಸೇರಿ ಕರ್ನಾಟಕದಲ್ಲಿ 1.35 ಕೋಟಿ ಜಾನುವಾರುಗಳಿದ್ದು, ರಾಜ್ಯಕ್ಕೆ 26 ಲಕ್ಷ ಟ್ಯಾಗ್‌ಗಳು ಬಂದಿವೆ. ಬೀದರ ಜಿಲ್ಲೆಗೂ 50 ಸಾವಿರ ಟ್ಯಾಗ್‌ಗಳು ಸರಬರಾಜಾಗಿದ್ದು ಅಳವಡಿಸುವ ಕೆಲಸ ಶುರುವಾಗಿದೆ. ಮೈತ್ರಿ ಕಾರ್ಯಕರ್ತರ ಬಳಕೆ:
ಇಯರ್‌ ಟ್ಯಾಗ್‌ ಜೋಡಿಸಲು ಮೈತ್ರಿ ಕಾರ್ಯಕರ್ತರನ್ನು ಬಳಕೆ ಮಾಡಿಕೊಳ್ಳಲಾಗುತ್ತಿದ್ದು, ಅವರಿಗೆ ತರಬೇತಿಯನ್ನೂ ಕೊಡಲಾಗಿದೆ. ಅವರು ನೇರವಾಗಿ ಜಾನುವಾರು ಮಾಲೀಕರ ಬಳಿ ತೆರಳಿ ಮಾಹಿತಿ ಸಂಗ್ರಹಿಸಿ ದತ್ತಾಂಶದೊಂದಿಗೆ ಜೋಡಿಸಲಿದ್ದಾರೆ. ಈ ಕಾರ್ಯಕರ್ತರಿಗೆ ಶೀಘ್ರದಲ್ಲಿ ಆ್ಯಂಡ್ರಾಯ್ಡ ಮೊಬೈಲ್‌ಗ‌ಳನ್ನೂ ನೀಡಲಾಗುತ್ತಿದೆ. ಯೋಜನೆ ಅನುಷ್ಠಾನದ ತರಬೇತಿಗಾಗಿ ರಾಜ್ಯದ 10 ಜನ ಪಶು ಇಲಾಖೆ ಉಪ ನಿರ್ದೇಶಕರು ಮೂರು ದಿನದಿಂದ ಗುಜರಾತ್‌ಗೆ ತೆರಳಿದ್ದಾರೆ. ಜಾನುವಾರುಗಳ ಆರೋಗ್ಯ ಪೋಷಣೆ ಮತ್ತು ಹಾಲು ಉತ್ಪಾದನೆ ಹೆಚ್ಚಿಸುವ ದಿಸೆಯಲ್ಲಿ ರಾಷ್ಟ್ರೀಯ ಹೈನುಗಾರಿಕೆ ಅಭಿವೃದ್ಧಿ ಮಂಡಳಿ ಅಡಿಯಲ್ಲಿ ಹಾಲು ನೀಡುವ ಜಾನುವಾರುಗಳಿಗೆ “ಆಧಾರ್‌’ ರೀತಿ ವಿಶಿಷ್ಟ ಗುರುತಿನ ಸಂಖ್ಯೆಯುಳ್ಳ ಬಿಲ್ಲೆಗಳನ್ನು (ಇಯರ್‌ ಟ್ಯಾಗ್‌) ಅಳವಡಿಸಲಾಗುತ್ತಿದೆ. ರಾಜ್ಯದಲ್ಲಿ ಅನುಷ್ಠಾನ ಚುರುಕಾಗಿ ನಡೆಯುತ್ತಿದ್ದು, ಈಗಾಗಲೇ 26 ಲಕ್ಷ ಟ್ಯಾಗ್‌ಗಳು ಬಂದಿದೆ. ಅದರಲ್ಲಿ ಐದಾರು ಲಕ್ಷ ಟ್ಯಾಗ್‌ಗಳ ಜೋಡಣೆ ಮಾಡಲಾಗಿದೆ. 2 ವರ್ಷದಲ್ಲಿ ಟ್ಯಾಗ್‌ ಜೋಡಣೆ ಪೂರ್ಣಗೊಳಿಸಲಾಗುವುದು.
– ಡಾ| ಎಂ.ಟಿ. ಮಂಜುನಾಥ, ಅಪರ ನಿರ್ದೇಶಕರು (ಜಾನುವಾರು ಸಂಪನ್ಮೂಲ) – ಶಶಿಕಾಂತ ಬಂಬುಳಗೆ