ಪ್ರಯಾಣಿಕರ ದಟ್ಟಣೆ ತತ್ಕಾಲ್‌ ವಿಶೇಷ ರೈಲು

ಹುಬ್ಬಳ್ಳಿ: ಹೆಚ್ಚುವರಿ ಪ್ರಯಾಣಿಕರ ದಟ್ಟಣೆ ಸರಿದೂಗಿಸಲು ಒಂದು ಟ್ರಿಪ್‌ ಕೃಷ್ಣರಾಜಪುರಂ-ಭುವನೇಶ್ವರ (06561/06562) ತತ್ಕಾಲ್‌ ಎಕ್ಸ್‌ಪ್ರೆಸ್‌ ವಿಶೇಷ ರೈಲು ಓಡಿಸಲು ನಿರ್ಧರಿಸಲಾಗಿದೆ.

ಮೇ 27ರಂದು ಮಧ್ಯಾಹ್ನ 4 ಗಂಟೆಗೆ ಕೃಷ್ಣರಾಜಪುರಂನಿಂದ ಪ್ರಯಾಣ ಬೆಳೆಸುವ ರೈಲು ಮರುದಿನ ಸಂಜೆ 7 ಗಂಟೆಗೆ ಭುವನೇಶ್ವರಕ್ಕೆ ತಲುಪಲಿದೆ. ಅದೇ ರೀತಿ, ಮೇ 29ರಂದು ಬೆಳಗ್ಗೆ 7.30ಕ್ಕೆ ಹೊರಡುವ ರೈಲು ಮರುದಿನ ಬೆಳಗ್ಗೆ 10.15ಕ್ಕೆ ಕೃಷ್ಣರಾಜಪುರಂ ನಿಲ್ದಾಣಕ್ಕೆ ಬಂದು ಸೇರಲಿದೆ ಎಂದು ನೈಋತ್ಯ ರೈಲ್ವೆ ಪ್ರಕಟಣೆ ತಿಳಿಸಿದೆ.