ನವಜಾತನಿಗೆ ‘ಮೋದಿ’ಹೆಸರು ಬಂದದ್ದು ಹೀಗೆ!

ದುಬೈ: ಉತ್ತರ ಪ್ರದೇಶದ ಮುಸ್ಲಿಂ ಮಹಿಳೆಯೊಬ್ಬರು ಮೇ 23ರಂದು ಜನಿಸಿದ್ದ ತಮ್ಮ ಶಿಶುವಿಗೆ ನರೇಂದ್ರ ದಾಮೋದರ್‌ ಮೋದಿ ಎಂದು ನಾಮಕರಣ ಮಾಡಲು ಹೊರಟಿರುವುದು ವರದಿಯಾಗಿತ್ತು. ಆದರೆ, ದೂರದ ದುಬೈನಲ್ಲಿ ಸೇವೆ ಸಲ್ಲಿಸುತ್ತಿರುವ ಆ ಮಗುವಿನ ತಂದೆ ಮುಷ್ತಾಕ್‌ ಅಹ್ಮದ್‌ (29) ತನ್ನ ಮಗನಿಗೆ ಮೋದಿ ಹೆಸರಿಟ್ಟ ಹಿಂದಿನ ಕಾರಣ ತಿಳಿಸಿದ್ದಾರೆ.

“ಫ‌ಲಿತಾಂಶದ ದಿನವೇ ಪತ್ನಿಗೆ ಹೆರಿಗೆಯಾಗಿತ್ತು. ಅಂದೇ ಆಕೆ ಫೋನಿನಲ್ಲಿ ಈ ವಿಚಾರ ತಿಳಿಸಿದರು. ಆಗ ನಾನು ಚುನಾವಣಾ ಫ‌ಲಿತಾಂಶ ಏನಾಯ್ತು ಎಂದು ಕೇಳಿದೆ. ಅದಕ್ಕೆ ಅವರು, ದೇಶಕ್ಕೂ ಮೋದಿ ಬಂದಿದ್ದಾರೆ. ನಮ್ಮ ಮನೆಗೂ ಮೋದಿ ಬಂದಿದ್ದಾರೆ ಎಂದರು. ಇದೇ ನಮಗೆ ಮೋದಿ ಹೆಸರಿಡಲು ಪ್ರೇರಣೆಯಾಯಿತು” ಎಂದಿದ್ದಾರೆ.