ಕಲ್ಯಾಣಪುರ ಮಿಲಾಗ್ರಿಸ್‌ ಕೆ‌ಥೆಡ್ರಲ್‌ ಗರಿಗಳ ರವಿವಾರ ಆಚರಣೆ

ಕಲ್ಯಾಣಪುರ: ಉಡುಪಿ ಧರ್ಮಪ್ರಾಂತ್ಯದ ಮಹಾ-ದೇವಾಲಯವಾಗಿರುವ (ಕೆಥೆಡ್ರಲ್‌) ಕಲ್ಯಾಣಪುರದ ಪವಾಡ ಮಾತೆಯ ದೇವಾಲಯದಲ್ಲಿ “ಗರಿಗಳ ರವಿವಾರ‌’ ಆಚರಣೆ ನಡೆಯಿತು.

ಇದು ಏಸುಕ್ರಿಸ್ತರು ವೈಭವದಿಂದ ಜೆರುಸಲೇಂ ನಗರ ಪ್ರವೇಶಿಸಿದ ಪುಣ್ಯಸ್ಮರಣೆಯ ಸಂಕೇತ. ಪವಿತ್ರ ವಾರದ ಆಚರಣೆಗೆ ತಯಾರಿಯಾಗಿ ಈ ಆಚರಣೆಯನ್ನು ಕ್ರೈಸ್ತ¤ ಅನುಯಾಯಿಗಳು ಪ್ರತೀ ವರ್ಷವೂ ಮಾಡುತ್ತಾರೆ.

ಕಲ್ಯಾಣಪುರ ಮಹಾದೇವಾಲಯದ ರೆ|ಫಾ| ಲಾರೆನ್ಸ್‌ ಡಿ’ಸೋಜಾ ಅವರು ಪ್ರಧಾನ ಗುರುಗಳಾಗಿ ಈ ಆಚರಣೆ ನೆರವೇರಿಸಿದರು. ಸಹಾಯಕ ಧರ್ಮಗುರು ರೆ|ಫಾ| ಕ್ಯಾನ್ಯೂಟ್‌ ನೊರೊನ್ಹಾ , ರೆ|ಫಾ| ಲ್ಯಾನ್ಸಿ ಫೆರ್ನಾಂಡಿಸ್‌ ಮತ್ತಿತರರು ಉಪಸ್ಥಿತರಿದ್ದರು.

ಈ ಮೆರವಣಿಗೆ ಮಿಲಾಗ್ರಿಸ್‌ ಆಂಗ್ಲಮಾಧ್ಯಮ ಶಾಲೆಯ ವಠಾರದಿಂದ ಆರಂಭಗೊಂಡು ದೇವಾಲಯದಲ್ಲಿ ಬಲಿಪೂಜೆಯ ಮುಖಾಂತರ ಕೊನೆಗೊಂಡಿತು. ನೂರಾರು ಭಕ್ತರು ಮೆರವಣಿಗೆ, ಬಲಿಪೂಜೆಯಲ್ಲಿ ಭಾಗವಹಿಸಿದ್ದರು.