30ರ ವರೆಗೂ ಪಾಕ್‌ ವಾಯು ಮಾರ್ಗ ಬಂದ್‌

ಲಾಹೋರ್‌: ಬಾಲಕೋಟ್‌ ದಾಳಿ ಅನಂತರದಲ್ಲಿ ಮುಚ್ಚಿದ್ದ ವಾಯುಮಾರ್ಗಗಳಲ್ಲಿ ಮೇ 30ರ ವರೆಗೂ ವಿಮಾನ ಹಾರಾಟಕ್ಕೆ ಅನುಮತಿ ನೀಡದೇ ಇರಲು ಪಾಕಿಸ್ಥಾನ ನಿರ್ಧರಿಸಿದೆ. ಇದರಿಂದಾಗಿ ಭಾರತೀಯ ವಿಮಾನಗಳು ಪಾಕಿಸ್ಥಾನದ ವಾಯುಗಡಿ ಪ್ರವೇಶಿಸುವಂತಿಲ್ಲ, ಪಾಕಿಸ್ಥಾನ ತನ್ನ ಸಂಪೂರ್ಣ ವಾಯು ಮಾರ್ಗ ಗಳನ್ನು ಬಂದ್‌ ಮಾಡಿತ್ತಾದರೂ, ಮಾ. 27ರಂದು ಹೊಸದಿಲ್ಲಿ ಸೇರಿ ಕೆಲವೇ ಮಾರ್ಗಗಳಲ್ಲಿ ವಿಮಾನ ಪ್ರಯಾಣಕ್ಕೆ ಅನುಮತಿ ನೀಡಿತ್ತು. ವಾಯು ಮಾರ್ಗಗಳ ಆರಂಭದ ಬಗ್ಗೆ ಮರುಪರಿಶೀಲನೆಯನ್ನು ಬುಧವಾರ ಪಾಕಿಸ್ಥಾನ ನಡೆಸಿದ್ದು, ಲೋಕಸಭೆ ಚುನಾವಣೆ ಫ‌ಲಿತಾಂಶದ ಅನಂತರ ನಿರ್ಧಾರ ಕೈಗೊಳ್ಳುತ್ತೇವೆ ಎಂದಿದೆ.