ಜೂಲನ್‌ ನನಗೆ ಸ್ಫೂರ್ತಿ: ಪಾಕ್‌ ಕ್ರಿಕೆಟ್‌ ಆಟಗಾರ್ತಿ ಹೊಗಳಿಕೆ

ಕರಾಚಿ: ಪಾಕಿಸ್ತಾನ ಮಹಿಳಾ ಕ್ರಿಕೆಟ್‌ ಆಟಗಾರ್ತಿ ಕೈನತ್‌ ಇಮಿ¤ಯಾಜ್‌ ಭಾರತದ ವೇಗದ ಬೌಲರ್‌ ಜೂಲನ್‌ ಗೋಸ್ವಾಮಿ ತನಗೆ “ಸ್ಫೂರ್ತಿ’ ಎಂದಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಅವರು ಗೋಸ್ವಾಮಿ ಜತೆಗಿನ ಫೋಟೊ ಸಹಿತ ಪ್ರಕಟಿಸಿ ಜೂಲನ್‌ ಬಗೆಗಿನ ಪ್ರೀತಿ ವ್ಯಕ್ತಪಡಿಸಿದ್ದಾರೆ.

2005ರಲ್ಲಿ ಏಷ್ಯಾ ಕಪ್‌ ಕೂಟದ ವೇಳೆ ಮೊದಲ ಬಾರಿ ಜೂಲನ್‌ ಅವರನ್ನು ನೋಡಿದ್ದೆ. ಆಗ ನನಗೆ ಚೆಂಡು
ಹಿಡಿಯುವ ಕೆಲಸವಾಗಿತ್ತು. ಮೊದಲ ಬಾರಿಗೆ ವೇಗದ ಬೌಲರ್‌ವೊಬ್ಬರನ್ನು ನೋಡಿದ್ದೆ. ಅವರಿಂದ ಸ್ಫೂರ್ತಿ
ಪಡೆದುಕೊಂಡಿದ್ದೆ. ಬರೋಬ್ಬರಿ 12 ವರ್ಷದ ಬಳಿಕಅವರನ್ನು ಭೇಟಿಯಾದೆ. ಈಗ ನಾನು ವೇಗದ ಬೌಲರ್‌
ಆಗಿ ಗುರುತಿಸಿಕೊಂಡಿದ್ದೇನೆ. ಅವರ ಭೇಟಿಯ ಬಳಿಕ ಮತ್ತಷ್ಟು ಸ್ಫೂರ್ತಿ ಪಡೆದುಕೊಂಡೆ ಎಂದು ಪ್ರಕಟಿಸಿದ್ದಾರೆ.