ಧರ್ಮಶಾಲಾದಲ್ಲಿ ಪಾಕ್‌ ಮೊಬೈಲ್‌ ಸಿಗ್ನಲ್‌ ಪತ್ತೆ!

ಧರ್ಮಶಾಲಾ: ಹಿಮಾಚಲ ಪ್ರದೇಶದ ಧರ್ಮಶಾಲಾದಲ್ಲಿ ಪಾಕಿಸ್ತಾನಿ ಮೊಬೈಲ್‌ ನೆಟ್‌ವರ್ಕ್‌ನ ಸಿಗ್ನಲ್‌ ಗಳು ಪತ್ತೆಯಾಗಿವೆ!

ಕಾಂಗ್ರಾ ಜಿಲ್ಲೆಯ ಕರೇರಿ ಎಂಬಲ್ಲಿ ಪಾಕ್‌ ಮೂಲದ ಸೆಲ್ಯುಲರ್‌ ನೆಟ್ವರ್ಕ್‌ ಸಿಗ್ನಲ್‌ಗಳು ಕಂಡುಬಂದಿದ್ದು, ಈ ಬಗ್ಗೆ ಆತಂಕಗೊಂಡಿರುವ ಕಾಂಗ್ರಾ ಜಿಲ್ಲಾಡಳಿತ, ದೂರಸಂಹವನ ಇಲಾಖೆಗೆ ಮಾಹಿತಿ ನೀಡಿದೆ.

ಪಾಕಿಸ್ತಾನ ಗಡಿಯಿಂದ ಧರ್ಮಶಾಲಾದ ಕರೇರಿ 150 ಕಿ.ಮೀ. ದೂರದಲ್ಲಿದೆ. ಗಡಿಯಿಂದ 500 ಮೀಟರ್‌ ಆಚೆ ಮತ್ತು ಈಚೆಗೆ ಯಾವುದೇ ವಿದೇಶಿ ಸಿಗ್ನಲ್‌ಗಳಿಗೂ ಆಸ್ಪದವಿಲ್ಲ. ಆದಾಗ್ಯೂ ಕರೇರಿಯ ಬೆಟ್ಟ ತಲುಪಿದ್ದ ಚಾರಣಿಗರ ಮೊಬೈಲ್‌ನಲ್ಲಿ ಸೆಲ್ಯುಲರ್‌ ನೆಟ್‌ವರ್ಕ್‌ ಸರ್ಚ್‌ ನೀಡಿದಾಗ, ಪಾಕಿಸ್ತಾನದ ಸಿಗ್ನಲ್‌ ಗಳು ಪತ್ತೆಯಾಗಿವೆ. ಅಷ್ಟೇ ಅಲ್ಲ, ಪಾಕಿಸ್ತಾನ ಸ್ಟಾಂಡರ್ಡ್‌ ಟೈಮ್‌ (ಪಿಎಸ್‌ಟಿ) ಕೂಡ ಮೊಬೈಲ್‌ ಪರದೆಯಲ್ಲಿ ಮೂಡಿದೆ ಎಂದು ಜಿಲ್ಲಾಡಳಿತ ಹೇಳಿದೆ.

ಇದನ್ನೂ ಓದಿ :ರಾಹುಲ್‌ ಕಾಲಿಟ್ಟ ಕಡೆ ಕಾಂಗ್ರೆಸ್‌ ಸೋಲು ಖಚಿತ