ಪಾಕ್‌ ಶೇರು ಮಾರುಕಟ್ಟೆ ಪತನ : 1,290 ಅಂಕ ಕುಸಿತ

ಹೊಸದಿಲ್ಲಿ :  ಪಾಕ್‌ ಉಗ್ರ ನೆಲೆಗಳ ಮೇಲೆ ಭಾರತೀಯ ವಾಯು ಪಡೆ ನಿನ್ನೆ ಮಂಗಳವಾರ ಬಾಂಬ್‌ ದಾಳಿ ನಡೆಸಿರುವುದನ್ನು ಅನುಸರಿಸಿ ಇಂದು ಗುರುವಾರ ಪಾಕಿಸ್ಥಾನದ ಶೇರು ಮಾರುಕಟ್ಟೆಗಳು ತೀವ್ರ ಪತನವನ್ನು ಕಂಡಿವೆ. 

ಪಾಕಿಸ್ಥಾನ ಶೇರು ಮಾರುಕಟ್ಟೆಯ ಕೆಎಸ್‌ಇ 100 ಸೂಚ್ಯಂಕ ಇಂದು ಬೆಳಗ್ಗೆ 11.46ರ ಹೊತ್ತಿಗೆ 1,290.38 ಅಂಕಗಳ ಕುಸಿತಕ್ಕೆ, ಎಂದರೆ ಶೇ.3.32 ಕುಸಿತಕ್ಕೆ ಗುರಿಯಾಗಿ 37,531.29 ಅಂಕಗಳ ಮಟ್ಟಕ್ಕೆ ಇಳಿದಿದೆ. 

ಡಾನ್‌ ವರದಿ ಪ್ರಕಾರ ಕರಾಚಿ ಸ್ಟಾಕ್‌ ಮಾರ್ಕೆಟ್‌ 100 ಸೂಚ್ಯಂಕ ಇಂದಿನ ಆರಂಭಿಕ ವಹಿವಾಟಿನಲ್ಲಿ 184 ಅಂಕಗಳ ನಷ್ಟಕ್ಕೆ ಗುರಿಯಾಗಿದೆ. ನಿನ್ನೆ ಮಂಗಳವಾರ ಇದು 785.12 ಅಂಕಗಳ ನಷ್ಟಕ್ಕೆ ಗುರಿಯಾಗಿತ್ತು. ಕಳೆದ 55 ದಿನಗಳ ವಹಿವಾಟಿನಲ್ಲೇ ಇದು ಭಾರೀ ನಷ್ಟವಾಗಿದೆ.