ದಿವಾಳಿಯಾಗುತ್ತಿದೆ ಪಾಕಿಸ್ತಾನ; ರಸ್ತೆ ಅಡವಿಟ್ಟು ಸಾಲ ಪಡೆದ ಪಾಕ್‌!

ಇಸ್ಲಾಮಾಬಾದ್‌: ಪಾಕಿಸ್ತಾನದ ಅರ್ಥ ವ್ಯವಸ್ಥೆ ಈಗಾಗಲೇ ದಿವಾಳಿ ಎದ್ದಿದೆ. ಅದಕ್ಕೆ ಪೂರಕವಾಗಿ ಲಾಹೋರ್‌- ಇಸ್ಲಾಮಾಬಾದ್‌ ನಡುವಿನ ಹೆದ್ದಾರಿಯ ಒಂದು ಭಾಗವನ್ನು ಅಡಮಾನ ಇರಿಸಿಕೊಂಡು 1 ಶತ ಕೋಟಿ ಅಮೆರಿಕನ್‌ ಡಾಲರ್‌ ಮೊತ್ತದ ಸಾಲ ಸಂಗ್ರಹಿಸಿದೆ.ಅದಕ್ಕಾಗಿ ಇಸ್ಲಾಮಿಕ್‌ ಬಾಂಡ್‌ ಮೂಲಕ ಮೊತ್ತ ಸಂಗ್ರಹಿಸಲಾಗಿದೆ.

ಅಲ್ಲದೇ, ಈ ಸಾಲಕ್ಕೆ ಪ್ರತಿ ವರ್ಷ ಶೇ.7.95 ಬಡ್ಡಿದರವನ್ನು ಇಮ್ರಾನ್‌ ಖಾನ್‌ ನೇತೃತ್ವದ ಸರ್ಕಾರ ಪಾವತಿ ಮಾಡಲಿದೆ ಎಂದು ಅಲ್ಲಿನ ಪತ್ರಿಕೆ “ದ ಎಕ್ಸ್‌ಪ್ರೆಸ್‌ ಟ್ರಿಬ್ಯೂನ್‌’ ವರದಿ ಮಾಡಿದೆ.

ಇದನ್ನೂ ಓದಿ:ಚುನಾವಣಾ ಆಯೋಗ ನೀಡುವ ಗುರುತಿನ ಚೀಟಿಯನ್ನು ದುರುಪಯೋಗ ಮಾಡದಿರಿ : ಫವಾಜ್ ಪಿ.ಎ

ಕಳೆದ ವರ್ಷದ ಏಪ್ರಿಲ್‌ನಲ್ಲಿ ಪಾಕಿಸ್ತಾನ ಸರ್ಕಾರ ಹೊರಡಿಸಿದ್ದ ಹತ್ತು ವರ್ಷದ ಯೂರೋ ಬಾಂಡ್‌ಗೆ ಹೋಲಿಕೆ ಮಾಡಿದರೆ, ಹೊಸ ಬಾಂಡ್‌ನ‌ ವ್ಯಾಪ್ತಿಯಲ್ಲಿ ಪಡೆದಿರುವ ಸಾಲದ ಬಡ್ಡಿ ಹೆಚ್ಚಾಗಿದೆ.