ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್‌ ಷರೀಫ್ ಮಗ ಘೋಷಿತ ಅಪರಾಧಿ

ಇಸ್ಲಾಮಾಬಾದ್‌: ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್‌ ಷರೀಫ್ ಅವರ ಕಿರಿಯ ಮಗ ಸುಲೇಮನ್‌ ಶೆಹಬಾಜ್‌ ಅನ್ನು ಅಕ್ರಮ ಹಣ ಕಳ್ಳಸಾಗಣೆ ಪ್ರಕರಣದಲ್ಲಿ “ಘೋಷಿತ ಅಪರಾಧಿ’ ಎಂದು ಲಾಹೋರ್‌ನ ನ್ಯಾಯಾಲಯ ಶುಕ್ರವಾರ ಘೋಷಿಸಿದೆ.

ಸುಲೇಮನ್‌ ಜತೆಯಲ್ಲಿ ತಾಹಿರ್‌ ನಕ್ವಿ ಹೆಸರಿನ ವ್ಯಕ್ತಿಯನ್ನೂ ದೋಷಿ ಎಂದು ಹೆಸರಿಸಲಾಗಿದೆ. 2020ರಲ್ಲಿಯೇ ಸುಲೇಮನ್‌ ವಿರುದ್ಧ ಫೆಡರಲ್‌ ತನಿಖಾ ದಳ(ಎಫ್ಐಎ) ಪ್ರಕರಣ ದಾಖಲಿಸಿಕೊಂಡಿದೆ.

ಈ ವರ್ಷ ಮೇ 28ರಂದು ಅವರನ್ನು ಬಂಧಿಸಲು ಅರೆಸ್ಟ್‌ ವಾರೆಂಟ್‌ ಕೊಡಲಾಗಿದೆ. ಸಮನ್ಸ್‌ ನೀಡಿದರೂ ವಿಚಾರಣೆಗೆ ಹಾಜರಾಗದ ಸುಲೇಮನ್‌ನ್ನು ನ್ಯಾಯಾಲಯ ದೋಷಿ ಎಂದಿದೆ.