ಲಂಡನ್: ಇಪ್ಪತ್ತು ಆಟಗಾರರ ಸಹಿತ 31 ಸದಸ್ಯರುಳ್ಳ ಪಾಕಿಸ್ಥಾನ ಕ್ರಿಕೆಟ್‌ ತಂಡ ರವಿವಾರ ರಾತ್ರಿ ಲಂಡನ್‌ಗೆ ಬಂದಿಳಿದಿದೆ. ಇವರು ಲಾಹೋರ್‌ನಿಂದ ಖಾಸಗಿ ವಿಮಾನದಲ್ಲಿ ಆಗಮಿಸಿದರು.
ಸಾಮಾಜಿಕ ಅಂತರ ಕಾಯ್ದುಕೊಂಡು, ಮಾಸ್ಕ್ ಧರಿಸಿಕೊಂಡು ದೂರ ದೂರ ಉಳಿದ ಕ್ರಿಕೆಟಿಗರು ತಮಗಾಗಿಯೇ ವ್ಯಸ್ಥೆಗೊಳಿಸಿದ ಬೇರೊಂದು ವಾಹನದಲ್ಲಿ ವೂರ್ಸ್ಟರ್‌ಶೈರ್‌ನತ್ತ ತೆರಳಿದರು. ಇಲ್ಲಿ 14 ದಿನಗಳ ಕಾಲ ಕ್ವಾರಂಟೈನ್‌ನಲ್ಲಿ ಉಳಿಯಲಿದ್ದಾರೆ.
ಜು. 13ರಂದು ಡರ್ಬಿಶೈರ್‌ಗೆ ತೆರಳಿ ಅಭ್ಯಾಸ ಆರಂಭಿಸಲಿದ್ದಾರೆ. ಈ ನಡುವೆ ಇಲ್ಲಿಯೂ ಕೊರೊನಾ ಪರೀಕ್ಷೆಗೆ ಒಳಗಾಗಬೇಕಿದೆ.
ದ್ವಿತೀಯ ಕೋವಿಡ್-19 ಪರೀಕ್ಷೆ ವೇಳೆ ನೆಗೆಟಿವ್‌ ಫ‌ಲಿತಾಂಶ ದಾಖಲಿಸಿದ್ದ 6 ಮಂದಿ ಆಟಗಾರರು ಪಾಕಿಸ್ಥಾನದಲ್ಲೇ ಉಳಿದಿದ್ದಾರೆ. ಇವರ ಮುಂದಿನ ಫ‌ಲಿತಾಂಶವೂ ನೆಗೆಟಿವ್‌ ಬಂದರೆ ಇಂಗ್ಲೆಂಡಿಗೆ ತೆರಳುವ ಸಾಧ್ಯತೆ ಇದೆ.
