Imran Khan: ಅಕ್ರಮ ವಿವಾಹ ಕೇಸ್‌; ಪಾಕ್‌ ಮಾಜಿ ಪ್ರಧಾನಿ ಇಮ್ರಾನ್‌ ಖುಲಾಸೆ

ಇಸ್ಲಾಮಬಾದ್‌: ಇಸ್ಲಾಂಗೆ ವಿರು ದ್ಧ ವಾದ ವಿವಾಹ ಪ್ರಕರಣದಲ್ಲಿ ಕಳೆದ ವರ್ಷ ಆಗಸ್ಟ್‌ನಿಂದಲೂ ಜೈಲಿನಲ್ಲಿರುವ ಪಾಕ್‌ ಮಾಜಿ ಪ್ರಧಾನಿ ಇಮ್ರಾನ್‌ ಖಾನ್‌ ಮತ್ತು ಅವರ ಪತ್ನಿ ಬುಶ್ರಾ ಬೀಬಿ ಅವರನ್ನು ಕೋರ್ಟ್‌ ಖುಲಾಸೆಗೊಳಿಸಿದೆ.

ಆದರೆ ಈ ಖುಲಾಸೆ ಸಂಭ್ರಮಿಸುವಷ್ಟರಲ್ಲೇ ಅವರಿಗೆ ನಿರಾಸೆ ಉಂಟಾಗಿದೆ. ಭ್ರಷ್ಟಾಚಾರ ಪ್ರಕರಣದಲ್ಲಿ ಬಂಧನಕ್ಕೊಳಗಾಗಿದ್ದ ವೇಳೆ ನಡೆದಿದ್ದ ಗಲಭೆಗೆ ಸಂಬಂಧಿಸಿ 3 ಪ್ರಕರಣಗಳಲ್ಲಿ ಇಮ್ರಾನ್‌ರನ್ನು ಬಂಧಿಸುವ ಮನವಿಯನ್ನು ಲಾಹೋರ್‌ನ ಭಯೋತ್ಪಾದನಾ ನಿಗ್ರಹ ಕೋರ್ಟ್‌ ಅಂಗೀಕರಿಸಿದೆ. ಈ ನಡೆಯನ್ನು ಇಮ್ರಾನ್‌ ಖಾನ್‌ ನೇತೃತ್ವದ ಪಾಕಿಸ್ತಾನ ತೆಹ್ರೀಕ್‌-ಎ-ಇನ್ಸಾಫ್ ಪಕ್ಷವು “ಇದು ಇಮ್ರಾನ್‌ರ ಅಕ್ರಮ ಸೆರೆಯನ್ನು ಮುಂದುವರಿಸಲು ಮಾಡಿರುವ ಕುತಂತ್ರ’ ಎಂದಿದೆ.