ಹೊಸದಿಲ್ಲಿ: “ಐಬ್ರೂಫಿನ್‌’ ಸೇರಿದಂತೆ ಕೆಲವು ನೋವು ನಿವಾರಕ ಔಷಧಿಗಳು (ಪೇನ್‌ ಕಿಲ್ಲರ್ಸ್‌) ಕೋವಿಡ್ ಸೋಂಕಿತರಿಗೆ ಮಾರಕವಾಗಿ ಪರಿಣಮಿಸಬಹುದು ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಸಂಸ್ಥೆ (ಐಸಿಎಂಆರ್‌) ಎಚ್ಚರಿಸಿದೆ.
ಕೋವಿಡ್ ಸೋಂಕಿತರು ಹೃದ್ರೋಗಿಗಳಾಗಿದ್ದರೆ ಅಂಥವರ ಮೇಲೆ ನೋವು ನಿವಾರಕಗಳು ದುಷ್ಪರಿಣಾಮ ಬೀರುವುದಲ್ಲದೆ, ಮೂತ್ರಕೋಶ ವೈಫ‌ಲ್ಯಕ್ಕೆ ದಾರಿ ಮಾಡುತ್ತವೆ. ಇವುಗಳ ಬದಲಿಗೆ ಅವಶ್ಯವಿದ್ದವರಿಗೆ ಪ್ಯಾರಾಸಿಟಮಲ್‌ ಔಷಧಿ ನೀಡಬಹುದಾಗಿದೆ ಎಂದು ಐಸಿಎಂಆರ್‌ ತಿಳಿಸಿದೆ.
ಇದನ್ನೂ ಓದಿ:“ತೇಜಸ್‌’ನಲ್ಲಿ “ಪೈಥಾನ್‌-5′ ಕ್ಷಿಪಣಿ ಅಳವಡಿಸಲು ಅನುಮತಿ
ಇನ್ನು, ಬಿಪಿ ನಿಯಂತ್ರಣಕ್ಕಾಗಿ ನೀಡಲಾಗುವ “ಎಸಿಇ ಇನ್ಹಿಬಿಟರ್ಸ್‌’ ಔಷಧ ಬಿಪಿ ಇರುವ ಸೋಂಕಿತರ ಮೇಲೆ ದುಷ್ಪರಿಣಾಮ ಬೀರುವುದು ಇನ್ನೂ ಸಾಬೀತಾಗಿಲ್ಲ ಎಂದು ಐಸಿಎಂಆರ್‌ ಸ್ಪಷ್ಟಪಡಿಸಿದೆ.
ಇದನ್ನೂ ಓದಿ: ಅಗತ್ಯ ವೈದ್ಯಕೀಯ ನೆರವಿಗೆ ಸಂಸದ ನಳಿನ್‌ ಮನವಿ
