1,800 ಫಾಸ್ಟ್‌ ಟ್ರ್ಯಾಕ್‌ ಕೋರ್ಟ್‌: ಕೇಂದ್ರದಿಂದ 4,100 ಕೋಟಿ ರೂ.

ಹೊಸದಿಲ್ಲಿ : ಸರಿಸುಮಾರು ಆರು ವರ್ಷಗಳ ಅಂತರದ ಬಳಿಕ ಕೇಂದ್ರ ಸರಕಾರ ದೇಶದಲ್ಲಿ 1,800 ಫಾಸ್ಟ್‌ ಟ್ರ್ಯಾಕ್‌ ಕೋರ್ಟ್‌ಗಳ ರಚನೆಗಾಗಿ 4,100 ಕೋಟಿ ರೂ.ಗಳನ್ನು ತೆಗೆದಿರಿಸಿದೆ.

ಈ ಫಾಸ್ಟ್‌ ಟ್ರ್ಯಾಕ್‌ ಕೋರ್ಟ್‌ಗಳು ಕೊಲೆ, ಸುಲಿಗೆ, ಅತ್ಯಾಚಾರ, ಡಕಾಯಿತಿಯೇ ಮೊದಲಾದ ಅತ್ಯಂತ ಹೀನ ಹಾಗೂ ಘೋರ ಅಪರಾಧಗಳ ವಿಚಾರಣೆಯನ್ನು ತ್ವರಿತ ಗತಿಯಲ್ಲಿ ನಡೆಸಿ ಅಪರಾಧಿಗಳಿಗೆ ಶಿಕ್ಷೆ ನೀಡುತ್ತವೆ. 

ಹದಿನಾಲ್ಕನೇ ಹಣಕಾಸು ಆಯೋಗವು ಈ ತ್ವರಿತ ಗತಿಯ ವಿಚಾರಣೆಯ ಕೋರ್ಟ್‌ಗಳ ಸ್ಥಾಪನೆಗೆಂದು 4,144.14 ಕೋಟಿ ರೂ.ಗಳನ್ನು ತೆಗೆದಿರಿಸಿದೆ. ಅಂತೆಯೇ ಮುಂದಿನ ಐದು ವರ್ಷಗಳಲ್ಲಿ 1,800 ಫಾಸ್ಟ್‌ ಟ್ರ್ಯಾಕ್‌ ಕೋರ್ಟ್‌ಗಳನ್ನು ಸ್ಥಾಪಿಸುವಂತೆ ರಾಜ್ಯ ಸರಕಾರಗಳನ್ನು ಕೇಳಿಕೊಂಡಿದೆ.