ಪಟ್ನಾ: ಗಂಗಾನದಿಯಲ್ಲಿ ದೋಣಿಗಳ ಢಿಕ್ಕಿ: 12 ಸಾವು ; ಇಬ್ಬರು ನಾಪತ್ತೆ

ಪಟ್ನಾ: ಬಿಹಾರದ ಮನೇರ್ ಎಂಬಲ್ಲಿ ಗಂಗಾನದಿಯಲ್ಲಿ ಸಂಚರಿಸುತ್ತಿದ್ದ ಎರಡು ದೋಣಿಗಳ ನಡುವೆ ಮುಖಾಮುಖಿ ಢಿಕ್ಕಿ ಸಂಭವಿಸಿದ ಪರಿಣಾಮ ಹನ್ನೆರಡಕ್ಕೂ ಅಧಿಕ ಕಾರ್ಮಿಕರು ಸಾವಿಗೀಡಾಗಿದ್ದಾರೆ ಮತ್ತು ಇಬ್ಬರು ಕಾಣೆಯಾಗಿದ್ದಾರೆ.

ಥಾಣಾ ಹಲ್ದೀ ಛಾಪ್ರಾ ಸಂಗಮ ಪ್ರದೇಶದಲ್ಲಿ ಈ ದುರ್ಘಟನೆ ಸಂಭವಿಸಿದ್ದು, ಈ ಭಾಗದಲ್ಲಿ ದಟ್ಟ ಮಂಜು ಆವೃತವಾಗಿದ್ದ ಕಾರಣ ಸ್ಪಷ್ಟ ಗೋಚರತೆಯ ಕೊರತೆಯಿಂದಾಗಿ ಈ ಢಿಕ್ಕಿ ಸಂಭವಿಸಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಮನೇರ್ ಬಿಹಾರ ರಾಜ್ಯದ ಪಟ್ನಾ ಜಿಲ್ಲೆಯಲ್ಲಿರುವ ಕಿರು ಪಟ್ಟಣವಾಗಿದೆ.