ರಸ್ತೆಯಲ್ಲಿ 100 ರೂ.ನೋಟುಗಳನ್ನು ಎಸೆದ ದುಷ್ಕರ್ಮಿಗಳು ಭಯಗೊಂಡ ಜನತೆ

ಗಂಗಾವತಿ: ನಗರದ 03ನೇ ವಾರ್ಡ್ ಜಯನಗರದ ರಸ್ತೆಯಲ್ಲಿ 100 ರೂ ಮುಖ ಬೆಲೆಯ 5 ನೋಟುಗಳನ್ನು ಯಾರೋ ದುಷ್ಕರ್ಮಿಗಳು ಎಸೆದು ಹೋಗಿದ್ದು ಜಯನಗರದ ಜನತೆಯಲ್ಲಿ ಭಯ ಮೂಡಿಸಿದೆ.

ಇತ್ತೀಚೆಗೆ ಹೇರೂರು ಓಣಿಯಲ್ಲಿ ಎಸೆಯಲಾಗಿದ್ದ 10ರೂ ಮುಖಬೆಲೆಯ 10 ನೋಟುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದರು.

ಜಯನಗರದಲ್ಲಿ ಮಂಗಳವಾರ ದೊರಕಿರುವ ನೂರು ರೂಪಾಯಿ ನೋಟುಗಳನ್ನು ಪೊಲೀಸರು ಸ್ಯಾನಿಟೈಜರ್ ಬಳಸಿ ಸ್ವಚ್ಛತೆಗೊಳಿಸಿ ವಶಪಡಿಸಿಕೊಂಡಿದ್ದಾರೆ. ಸ್ಥಳೀಯ ಪಂಚರ ಸಮಕ್ಷ ಜಪ್ತಿಮಾಡಿಕೊಂಡಿದ್ದು ಹೆಚ್ಚಿನ ತನಿಖೆಗಾಗಿ ಮೇಲಾಧಿಕಾರಿಗಳ ಗಮನ ತರಲಾಗುತ್ತದೆ ಎಂದು ನಗರ ಪಿಐ ವೆಂಕಟಸ್ವಾಮಿ ಉದಯವಾಣಿ ಗೆ ತಿಳಿಸಿದ್ದಾರೆ