ಈಶ್ವರಪ್ಪ ಬ್ರಿಗೇಡ್‌ ಇಲ್ಲವೇ ವಿಪಕ್ಷ ಸ್ಥಾನ ಒಂದರಲ್ಲಿರಲಿ

ಮೈಸೂರು: ಮುಂಬರುವ ವಿಧಾನಮಂಡಲ ಅಧಿವೇಶನದಲ್ಲಿ ಸರ್ಕಾರದ ವಿರುದ್ಧ ಪ್ರತಿಪಕ್ಷವಾಗಿ ಬಿಜೆಪಿ ಸಂಘಟಿತ ಹೋರಾಟ ನಡೆಸಬೇಕಿದೆ. ಹಾಗಾಗಿ ಕೆ.ಎಸ್‌.ಈಶ್ವರಪ್ಪ ಅವರು ವಿಧಾನ ಪರಿಷತ್‌ ವಿರೋಧ ಪಕ್ಷದ ನಾಯಕ ಸ್ಥಾನ ಅಥವಾ ರಾಯಣ್ಣ ಬ್ರಿಗೇಡ್‌ ಯಾವುದಾರೊಂದು ಸ್ಥಾನದಲ್ಲಿ ಮುಂದುವರಿಯಲಿ ಎಂದು ಮಾಜಿ ಸಚಿವ ಬಿ.ಜೆ.ಪುಟ್ಟಸ್ವಾಮಿ ಆಗ್ರಹಿಸಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಕಾಂಗ್ರೆಸ್‌ ಪಕ್ಷದಲ್ಲಿ ಜನಾರ್ದನ ಪೂಜಾರಿ, ಎಚ್‌.ವಿಶ್ವನಾಥ್‌ ಅವರಂತೆ ಈಶ್ವರಪ್ಪ ಅವರು ಬ್ರಿಗೇಡ್‌ ಮೂಲಕ ಕೆಲವು ವಿಚಾರ ಕುರಿತು ಮಾತನಾಡುತ್ತಿದ್ದಾರೆ. ಹಾಗೆಂದ ಮಾತ್ರಕ್ಕೆ ಇದು ಬಿಜೆಪಿಯೊಳಗಿನ ಗೊಂದಲ ಅಲ್ಲ ಎಂದರು.

ಪಕ್ಷದ ರಾಜಾÂಧ್ಯಕ್ಷರಿಗೆ ಬರೆದಿದ್ದಾರೆ ಎನ್ನಲಾದ ಪತ್ರದಲ್ಲಿ ಬಹುತೇಕರ ನಕಲಿ ಸಹಿ ಬಳಸಿರುವ ಬಗ್ಗೆ ದೂರುಗಳು ಕೇಳಿಬರುತ್ತಿವೆ. ಈ ಬಗ್ಗೆ ಪರಿಶೀಲಿಸಲಾಗುವುದು ಎಂದರು.