ಒಪ್ಪೋದಿಂದ ಭಾರೀ ತೆರಿಗೆ ವಂಚನೆ: ಡಿಆರ್‌ಐ ತನಿಖೆಯಿಂದ ಪ್ರಕರಣ ಬಹಿರಂಗ

ಹೊಸದಿಲ್ಲಿ: ಭಾರತದಲ್ಲಿ ತೆರಿಗೆ ತಪ್ಪಿಸಿಕೊಳ್ಳಲು ವಿವೋ ಕಂಪೆನಿಯು ತನ್ನ ಆದಾಯದ ಅರ್ಧ ದಷ್ಟನ್ನು ಚೀನಗೆ ಗುಟ್ಟಾಗಿ ರವಾನಿಸಿದೆ ಎಂಬ ವಿಚಾರ ಬಹಿರಂಗಗೊಂಡ ಬೆನ್ನಲ್ಲೇ ಈಗ ಒಪ್ಪೋ ಕಂಪೆನಿಯ ವಂಚನೆಯೂ ಬಯಲಾ ಗಿದೆ.

ಕಂದಾಯ ಗುಪ್ತಚರ ನಿರ್ದೇಶನಾಲಯ (ಡಿ ಆರ್‌ಐ)ವು ಒಪ್ಪೋ ಇಂಡಿಯಾ ಮೊಬೈಲ್‌ ಕಂಪೆನಿಗೆ ಸೇರಿದ ಹಲವು ಕಚೇರಿಗಳಲ್ಲಿ ಶೋಧ ಕಾರ್ಯ ನಡೆಸಿದಾಗ, ಬರೋಬ್ಬರಿ 4,389 ಕೋಟಿ ರೂ. ಕಸ್ಟಮ್ಸ್‌ ಶುಲ್ಕ ತಪ್ಪಿಸಿಕೊಂಡಿರುವುದು ಬೆಳಕಿಗೆ ಬಂದಿದೆ.

ಒಪ್ಪೋ ಇಂಡಿಯಾವು ಚೀನ ಮೂಲದ ಗುವಾಂಗ್‌ಡಾಂಗ್‌ ಒಪ್ಪೋ ಮೊಬೈಲ್‌ ಟೆಲಿಕಮ್ಯೂನಿಕೇಷನ್ಸ್‌ ಕಾರ್ಪೊ ರೇಷನ್‌ ಲಿ.ನ ಅಂಗಸಂಸ್ಥೆ. ಇದೇ ವೇಳೆ, ಪ್ರಕರಣದ ವಿರುದ್ಧ ಕಾನೂನು ಹೋರಾಟ ನಡೆಸುವುದಾಗಿ ಕಂಪೆನಿ ಹೇಳಿದೆ.