ಕಡಲ ತಡಿಯಲ್ಲಿ ಆಪರೇಶನ್‌ ಡಿ ಹಾಡು..; ಮಲ್ಪೆಯಲ್ಲಿ ಸಾಗಿದ ಚಿತ್ರೀಕರಣ

“ಅದ್ವಿತ ಫಿಲಂ ಫ್ಯಾಕ್ಟರಿ’ ಲಾಂಛನದಲ್ಲಿ ಭಾರ್ಗವಿ ತಿರುಮಲೇಶ್‌ ಹಾಗೂ ರಂಗನಾಥ್‌ ಬಿ. ನಿರ್ಮಿಸುತ್ತಿರುವ “ಆಪರೇಶನ್‌ ಡಿ’ ಈ ಚಿತ್ರದ ಹಾಡೊಂದರ ಚಿತ್ರೀಕರಣ ಉಡುಪಿ ಬಳಿಯ ಮಲ್ಪೆಯ ಕಡಲ ಕಿನಾರೆಯಲ್ಲಿ ನಡೆದಿದೆ.  ಅನಿರುದ್ಧ್ ಶಾಸ್ತ್ರಿ ಹಾಗೂ ವೇದಿಕಾ ಕಂಠದಲ್ಲಿ ಈ ಹಾಡು ಮೂಡಿಬಂದಿದೆ.

ಹಾಡಿನ ಚಿತ್ರೀಕರಣದ ಜೊತೆ ಕ್ಲೈಮ್ಯಾಕ್ಸ್ ಭಾಗದ ಚಿತ್ರೀಕರಣ ಸಹ ಉಡುಪಿ ಆಸುಪಾಸಿನಲ್ಲಿ ನಡೆದಿದ್ದು, ಮಾಸಾಂತ್ಯಕ್ಕೆ ಕೊನೆಯ ಹಂತದ ಚಿತ್ರೀಕರಣ ಆರಂಭವಾಗಲಿದೆ. ವಿನೋದ್‌ ದೇವ್‌ ಹಾಗೂ ಸ್ನೇಹ ಭಟ್‌ ಈ ಹಾಡಿನ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು. ಕಲಾವಿದರಾಗಿ ಕನ್ನಡ ಚಿತ್ರರಂಗ ಪ್ರವೇಶಿಸಿದ್ದ ತಿರುಮಲೇಶ್‌, ಈ ಚಿತ್ರದ ಮೂಲಕ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ. ಕ್ರೈಂ ಥ್ರಿಲ್ಲರ್‌ ಕಥಾಹಂದರ ಹೊಂದಿರುವ ಈ ಚಿತ್ರಕ್ಕೆ ತಿರಮಲೇಶ್‌ ಕಥೆ, ಚಿತ್ರಕಥೆಯನ್ನು ಬರೆದಿದ್ದಾರೆ.

ರಾಜ ರವಿಶಂಕರ್‌, ತಿರುಮಲೇಶ್‌, ಸಿದ್ದರಾಜು, ಪ್ರಶಾಂತ್‌ ಸಂಭಾಷಣೆ. ಚಿತ್ರದಲ್ಲಿ ಐದು ಹಾಡುಗಳಿದ್ದು , ವೇದಿಕ ಹಾಗೂ ದ್ವೇಪಾಯನ ಸಂಗೀತ ನೀಡಿದ್ದಾರೆ. ಕೆಂಪಗಿರಿ ಹಾಗೂ ವೇದಿಕ ಹಾಡುಗಳನ್ನು ರಚಿಸಿದ್ದಾರೆ. ಚಿತ್ರಕ್ಕೆ ಕಾರ್ತಿಕ್‌ ಪ್ರಸಾದ್‌ ಛಾಯಾಗ್ರಹಣ, ವಿಕ್ರಮ್‌ ಶ್ರೀಧರ್‌ ಸಂಕಲನ ಹಾಗೂ ತರ್ಮಾಕೋಲ್‌ ಶ್ರೀನಿವಾಸ್‌ ಕಲಾ ನಿರ್ದೇಶನ, ಜಯ ಹರಿಪ್ರಸಾದ್‌ (ಜೆರ್ರಿ ಮಾಸ್ಟರ್‌) ನೃತ್ಯ ನಿರ್ದೇಶನವಿದೆ.

ವಿನೋದ್‌ ದೇವ್‌, ಸುಹಾಸ್‌ ಆತ್ರೇಯ, ರುದ್ರೇಶ್‌ ಬುದನೂರು ಈ ಚಿತ್ರದ ನಾಯಕರಾಗಿ ನಟಿಸುತ್ತಿದ್ದು, ನಾಯಕಿಯರಾಗಿ ಸ್ನೇಹ ಭಟ್, ಇಂಚರ ಬಿ ಚನ್ನಪ್ಲ ಇದ್ದಾರೆ. ಶಿವಮಂಜು, ವೆಂಕಟಾಚಲ, ಜೂ ನರಸಿಂಹರಾಜು, ರಂಗನಾಥ ಬಿ, ಶ್ರೀಧರ್‌ ಟಿ ಎಸ್‌, ಸುರೇಶ್‌ ಬಿ, ಸಂಚಯ ನಾಗರಾಜ್‌, ಶಿವಾನಂದ, ಆಶಾ, ರೂಪ ಆರ್‌, ಮಹೇಶ್‌ ಎಸ್‌ ಕಲಿ, ಕಿರಣ್‌, ಸಂತೋಷ್‌ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.