ನೆನಪಿರಲಿ.. ನಿಮ್ಮ ಕಾರ್ಡ್‌ಗಳ 16 ಅಂಕಿಗಳ ಸಂಖ್ಯೆ! ಆನ್‌ಲೈನ್‌ ಪೇಮೆಂಟ್‌ ವೇಳೆ ಅವಶ್ಯಕ

ನವದೆಹಲಿ: ನೀವು ಹೆಚ್ಚಾಗಿ ಆನ್‌ಲೈನ್‌ ಶಾಪಿಂಗ್‌ ಮಾಡುವಂಥವರೇ? ವಿವಿಧ ಇ-ಕಾಮರ್ಸ್‌ ಜಾಲತಾಣಗಳಲ್ಲಿ ಅಥವಾ ಸ್ವಿಗ್ಗಿ, ಝೊಮ್ಯಾಟೋ, ಓಲಾ, ಉಬರ್‌ನಂಥ ಸೇವಾ ಜಾಲತಾಣಗಳಲ್ಲಿ ಸುಲಭ ಪೇಮೆಂಟ್‌ಗಾಗಿ ನಿಮ್ಮ ಕ್ರೆಡಿಟ್‌, ಡೆಬಿಟ್‌ ಕಾರ್ಡ್‌ಗಳ ಮಾಹಿತಿಯನ್ನು ಸೇವ್‌ ಮಾಡಿಟ್ಟಿರುವಂಥವರೇ? ಹಾಗಿದ್ದರೆ ಈ ಸುದ್ದಿಯನ್ನು ನೀವು ಗಮನವಿಟ್ಟು ಓದಲೇಬೇಕು.

ಬರುವ ಜನವರಿಯಿಂದ, ಯಾವುದೇ ಇ-ಸೇವಾ ಜಾಲತಾಣಗಳಲ್ಲಿ ಗ್ರಾಹಕರ ಡೆಬಿಟ್‌-ಕ್ರೆಡಿಟ್‌ ಕಾರ್ಡ್‌ಗಳ ಮಾಹಿತಿ ಸಂಗ್ರಹಿಸದಂತೆ ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಆದೇಶಿಸಲು ನಿರ್ಧರಿಸಿದೆ.

ಅದು ಜಾರಿಯಾದರೆ, ಪ್ರತಿ ಬಾರಿ ಇ-ಸೇವೆಗಳ ಆನ್‌ಲೈನ್‌ ಪೇಮೆಂಟ್‌ ವೇಳೆ ನಿಮ್ಮ 16 ಅಂಕಿಗಳ ಕ್ರೆಡಿಟ್‌, ಡೆಬಿಟ್‌ ಕಾರ್ಡ್‌ಗಳ ಸಂಖ್ಯೆಯನ್ನು ತಪ್ಪಿಲ್ಲದೆ ನಮೂದಿಸಿ, ಆನಂತರ ಅದರ ಒಟಿಪಿ ಪಡೆದು ವ್ಯವಹಾರ ನಡೆಸಬೇಕಾಗುತ್ತದೆ.