Onion Price; ಈರುಳ್ಳಿ ಬೆಲೆ ಇಳಿಕೆ: ಹರಾಜು ನಿಲ್ಲಿಸಿ ರೈತರ ಪ್ರತಿಭಟನೆ

ಮುಂಬಯಿ: ಈರುಳ್ಳಿ ಬೆಲೆ ಕುಸಿತದ ಹಿನ್ನೆಲೆಯಲ್ಲಿ ಗುರುವಾರ ನಾಸಿಕ್‌ನ ಲಾಸಲ್‌ಗಾಂವ್‌ ಎಪಿಎಂಸಿಯಲ್ಲಿ ರೈತರು ಪ್ರತಿಭಟನೆ ನಡೆಸಿ, ಕೆಲವು ಸಮಯ ಹರಾಜು ಸ್ಥಗಿತಗೊಳಿಸಿದ್ದಾರೆ. ಅಲ್ಲದೇ ಈರುಳ್ಳಿ ರಫ್ತು ಮೇಲಿನ ಶೇ.20 ಸುಂಕವನ್ನು ರದ್ದುಗೊಳಿಸುವಂತೆ ಕೇಂದ್ರ ಸರಕಾರವನ್ನು ಆಗ್ರಹಿಸಿದ್ದಾರೆ.

ಈರುಳ್ಳಿ ತುಂಬಿದ 1,500ಕ್ಕೂ ಅಧಿಕ ವಾಹನಗಳು ಎಪಿಎಂಸಿಗೆ ಬಂದ ಬಳಿಕ ಹರಾಜು ಪ್ರಾರಂಭವಾಗಿದ್ದು, ಕ್ವಿಂಟಾಲ್‌ಗೆ 1,200 ರೂ.ಗಳಿಂದ 1,500 ರೂ.ವರೆಗೆ ಹರಾಜು ಕೂಗಲಾಗಿದೆ.

ಇದರಿಂದ ಕೋಪಗೊಂಡ ರೈತರು ಕೆಲವು ಸಮಯ ಪ್ರಕ್ರಿಯೆ ಸ್ಥಗಿತಗೊಳಿಸಿ, ಪ್ರತಿಭಟಿಸಿದ್ದಾರೆ.