ಕಲಬುರಗಿಯಲ್ಲಿ ಮತ್ತೊಬ್ಬರಿಗೆ ಕೋವಿಡ್-19 ದೃಢ: 53ಕ್ಕೆ ಏರಿದ ಸೋಂಕಿತರ ಸಂಖ್ಯೆ

ಕಲಬುರಗಿ: ರಾಜ್ಯದ ಕೋವಿಡ್ ಹಾಟ್ ಸ್ಪಾಟ್ ಜಿಲ್ಲೆಗಳಲ್ಲಿ ಒಂದಾಗಿರುವ ಕಲಬುರಗಿಯಲ್ಲಿ ಇಂದು ಇನ್ನೊಂದು ಕೋವಿಡ್ ಸೋಂಕು ಪಾಸಿಟಿವ್ ಪ್ರಕರಣ ಪತ್ತೆಯಾಗಿದೆ.

ಇದರೊಂದಿಗೆ ಈ ಜಿಲ್ಲೆಯೊಂದರಲ್ಲೇ ಕೋವಿಡ್ 19 ವೈರಸ್ ಸೋಂಕಿತರ ಸಂಖ್ಯೆ ಒಟ್ಟು ಸೋಂಕಿತರ 53ಕ್ಕೆ ಏರಿಕೆಯಾಗಿದೆ.

32 ವರ್ಷದ ಸೋಂಕಿತ ವ್ಯಕ್ತಿಯ (ಪಿ-314) ಸಂಪರ್ಕಕ್ಕೆ ಬಂದಿದ್ದ 35 ವರ್ಷದ ಮಹಿಳೆಗೆ (ಪಿ-558) ಸೋಂಕು ಖಚಿತವಾಗಿದೆ.

ಬೆಂಗಳೂರಿನಿಂದ ಮಾ.24ಕ್ಕೆ ನಗರಕ್ಕೆ ಬಂದಿದ್ದ ಈ ವ್ಯಕ್ತಿಗೆ ಅಂದು ನಡೆಸಲಾಗಿದ್ದ ಗಂಟಲು ದ್ರವ ಮಾದರಿ ಪರೀಕ್ಷಾ ವರದಿಯಲ್ಲಿ ನೆಗೆಟಿವ್ ಫಲಿತಾಂಶ ಲಭ್ಯವಾಗಿತ್ತು.

ಬಳಿಕ ಹೋಂ‌ ಕ್ವಾರಂಟೈನ್ ‌ನಲ್ಲಿದ್ದ ಈ ವ್ಯಕ್ತಿಗೆ‌ ಏ.14ರಂದು ಜ್ವರ ಕಾಣಿಸಿಕೊಂಡಿತ್ತು. ಹೀಗಾಗಿ ಮತ್ತೊಮ್ಮೆ ‌ಪರೀಕ್ಷೆಗೊಳಪಡಿಸಿದಾಗ ಈತನಿಗೆ ಕೋವಿಡ್ ಸೋಂಕು ಇರುವುದು ಖಚಿತವಾಗಿತ್ತು.

ಇದೀಗ ಈತನ ಸಂಪರ್ಕಕ್ಕೆ ಬಂದ ಮಹಿಳೆಗೂ ಸೋಂಕು‌ ದೃಢವಾಗಿದೆ.