ಒಂದೇ ಕೈಯಲ್ಲಿ ಪುಶ್‌ ಅಪ್ಸ್‌ ಹೊಡೆದ ಕೊಹ್ಲಿ!

ನವದೆಹಲಿ: ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಫಿಟೆ°ಸ್‌ ಕಾಯ್ದುಕೊಳ್ಳುವಲ್ಲಿ ಕಟ್ಟುನಿಟ್ಟು. ಪ್ರತಿದಿನ ಜಿಮ್‌ನಲ್ಲಿ ಬೆವರಿಳಿಸುತ್ತಾರೆ, ಆಹಾರದಲ್ಲಿಯೂ ತುಂಬಾ ಜಾಗೃತೆವಹಿಸುತ್ತಾರೆ. ಇದು ಎಲ್ಲರಿಗೂ ಗೊತ್ತಿರುವ ವಿಷಯ. ಆದರೆ ಕೊಹ್ಲಿ ಒಂದೇ ಕೈಯಲ್ಲಿ ಪುಶ್‌ ಅಪ್ಸ್‌ ಕೂಡ ಮಾಡುತ್ತಾರೆ. ಹೌದು, ಒಂದು ಕೈ ಅನ್ನು ಬೆನ್ನ ಹಿಂದೆ ಇಟ್ಟುಕೊಂಡು, ಒಂದೇ ಕೈಯಲ್ಲಿ ಪುಶ್‌ ಅಪ್ಸ್‌ ತೆಗೆಯುತ್ತಿರುವ ವಿಡಿಯೋವನ್ನು ಕೊಹ್ಲಿ ಟ್ವೀಟರ್‌ಗೆ ಅಪ್‌ಲೋಡ್‌ ಮಾಡಿದ್ದಾರೆ. ಈ ವಿಡಿಯೋ ಈಗ ವೈರಲ್‌ ಆಗಿದೆ. ಕೊಹ್ಲಿ ಅಭಿಮಾನಿಗಳಿಗೆ ನೀವು ಎಷ್ಟು ಕೈಯಲ್ಲಿ ಪುಶ್‌ ಅಪ್‌ ಮಾಡುತ್ತೀರಾ? ಎಂದು ಪ್ರಶ್ನಿಸಿದ್ದಾರೆ.