ಪಾಕ್‌ ವನಿತೆಯರಿಗೆ ಏಕದಿನ ಸರಣಿ

ದುಬಾೖ: ಪ್ರವಾಸಿ ವೆಸ್ಟ್‌ ಇಂಡೀಸನ್ನು ಸೋಮವಾರದ ಅಂತಿಮ ಏಕದಿನ ಪಂದ್ಯದಲ್ಲಿ 4 ವಿಕೆಟ್‌ಗಳಿಂದ ಮಣಿಸಿದ ಪಾಕಿಸ್ಥಾನ ವನಿತಾ ತಂಡ ಸರಣಿಯನ್ನು 2-1ರಿಂದ ತನ್ನದಾಗಿಸಿಕೊಂಡಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ವೆಸ್ಟ್‌ ಇಂಡೀಸ್‌ 47.3 ಓವರ್‌ಗಳಲ್ಲಿ 159ಕ್ಕೆ ಆಲೌಟಾದರೆ, ಪಾಕಿಸ್ಥಾನ 47.2 ಓವರ್‌ಗಳಲ್ಲಿ 6 ವಿಕೆಟಿಗೆ 163 ರನ್‌ ಬಾರಿಸಿ ಗೆದ್ದು ಬಂತು. 52 ರನ್‌ ಹೊಡೆದ ಆರಂಭಿಕ ಆಟಗಾರ್ತಿ ಸಿದ್ರಾ ಅಮೀನ್‌ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ವಿಂಡೀಸ್‌ ಪರ ನಾಯಕಿ ಸ್ಟಫಾನಿ ಟಯ್ಲರ್‌ ಕೂಡ 52 ರನ್‌ ಬಾರಿಸಿದರು.