Kannada Cinema: ಒನ್ಸ್‌ ಮೋರ್‌ ಶ್ರಾವಣಿ ಸುಬ್ರಮಣ್ಯ

ಗಣೇಶ್‌ ಹಾಗೂ ಅಮೂಲ್ಯ ನಾಯಕ-ನಾಯಕಿಯಾಗಿದ್ದ “ಶ್ರಾವಣಿ ಸುಬ್ರಮಣ್ಯ’ ಚಿತ್ರ ಒಂದು ಫ್ಯಾಮಿಲಿ ಡ್ರಾಮಾವಾಗಿ ಹಿಟ್‌ಲಿಸ್ಟ್‌ ಸೇರಿತ್ತು. ಆ ಚಿತ್ರ ಬಿಡುಗಡೆಯಾಗಿ ಡಿಸೆಂಬರ್‌ 27ಕ್ಕೆ ಹತ್ತು ವರ್ಷ ತುಂಬಿದೆ. ಇದೇ ಖುಷಿಗೆ ನಿರ್ಮಾಪಕ ಕೆ.ಎ.ಸುರೇಶ್‌ ಹೊಸ ಸಿನಿಮಾವೊಂದನ್ನು ಅನೌನ್ಸ್‌ ಮಾಡಿದ್ದಾರೆ.

ಆ ಚಿತ್ರಕ್ಕೆ “ಒನ್ಸ್‌ ಮೋರ್‌ ಶ್ರಾವಣಿ ಸುಬ್ರಮಣ್ಯ’ ಎಂದು ಟೈಟಲ್‌ ಇಡಲಾಗಿದೆ. ಅಂದು “ಶ್ರಾವಣಿ ಸುಬ್ರಮಣ್ಯ’ ಸಿನಿಮಾವನ್ನು ನಿರ್ದೇಶಿಸಿದ್ದ ಮಂಜು ಸ್ವರಾಜ್‌ ಅವರೇ ಈ ಚಿತ್ರಕ್ಕೂ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ.

ಈಗಾಗಲೇ ಚಿತ್ರತಂಡ ಪೋಸ್ಟರ್‌ವೊಂದನ್ನು ಬಿಡುಗಡೆ ಮಾಡಿದೆ. ಹೊಸ ಚಿತ್ರ ಕೂಡಾ ಪಕ್ಕಾ ಯೂತ್‌ ಫ‌ುಲ್‌ ಆಗಿದ್ದು, ನವ ನಟ-ನಟಿಯರು ಈ ಚಿತ್ರದಲ್ಲಿ ನಟಿಸಲಿದ್ದಾರೆ. 20 ವರ್ಷದವರು ಈ ಚಿತ್ರದಲ್ಲಿ ನಟಿಸಲು ಅರ್ಜಿ ಸಲ್ಲಿಸಬಹುದು ಎಂದು ತಂಡ ಹೇಳಿಕೊಂಡಿದೆ. ಹೊಸ ವರ್ಷದಲ್ಲಿ ಚಿತ್ರೀಕರಣ ಪ್ರಾರಂಭಿಸಲು ಚಿತ್ರತಂಡ ಸಿದ್ಧತೆ ನಡೆಸುತ್ತಿದೆ