ಲಂಡನ್ ನಲ್ಲೂ ರಸ್ತೆಗಿಳಿಯಲಿದೆ ಓಲಾ ಕ್ಯಾಬ್

ಲಂಡನ್‌: ಕರ್ನಾಟಕ ಮೂಲದ ರಸ್ತೆ ಸಾರಿಗೆ ಸಂಸ್ಥೆ ವೋಲಾ ಮುಂದಿನ ಕೆಲವು ವಾರಗಳಲ್ಲಿ ಲಂಡನ್‌ನ ರಸ್ತೆಯಲ್ಲಿ ಕಾಣಿಸಿಕೊಳ್ಳಲಿದೆ. ಭಾರತದಲ್ಲಿ ಅತೀ ಹೆಚ್ಚು ಜನ ಮನ್ನಣೆ ಸಂಪಾದಿಸಿರುವ ಈ ವೋಲಾ ಕ್ಯಾಬ್‌ ಸೇವೆಯ ಕೇಂದ್ರ ಕಚೇರಿ ಬೆಂಗಳೂರಿನಲ್ಲಿದೆ.

ಮುಂಬರುವ ದಿನಗಳಲ್ಲಿ ಲಂಡನ್‌ನಲ್ಲಿ ಆರಂಭಗೊಳ್ಳಲಿದ್ದು, ಇದಕ್ಕಾಗಿ ನುರಿತ ಚಾಲಕರನ್ನು ಈಗಾಗಲೇ ಸಂಸ್ಥೆ ಆಯ್ಕೆ ಮಾಡಿಕೊಳ್ಳುತ್ತಿದೆ. ಆಸಕ್ತ ಚಾಲಕರನ್ನು ಅವರ ಚಾಲನ ಪರವಾನಿಗೆಯನ್ನು ನೋಡಿ ಆಯ್ಕೆ ಮಾಡಿಕೊಳ್ಳುತ್ತಿದೆ. ಲಂಡನ್‌ ನಗರವೊಂದರಲ್ಲೇ ಸುಮಾರು 50 ಸಾವಿರ ಚಾಲಕರು ಈಗಾಗಲೇ ವೋಲಾ ಸೇವೆ ನಡೆಸಲು ಮುಂದೆ ಬಂದಿದ್ದಾರೆ.

ಇಂಗ್ಲೆಂಡಿನ ಬರ್ಮಿಂಗ್ಯಾಮ್‌, ಎಕ್ಸೆಟರ್‌, ರೀಡಿಂಗ್‌, ಬ್ರಿಸ್ಟೋಲ್‌, ಬಾಥ್‌, ಕವೆಂಟ್ರಿ ಮತ್ತು ವಾರಿÌಕ್‌ ಮೊದಲಾದ ನಗರಗಳಲ್ಲಿ ಈಗ ಸೇವೆಯಲ್ಲಿದೆ. ಭಾರತ ಮತ್ತು ಇಂಗ್ಲೆಂಡ್‌ ಮಾತ್ರವಲ್ಲದೆ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್‌ ಸೇರಿದಂತೆ ಒಟ್ಟು 250 ನಗರಗಳಲ್ಲಿ ಸೇವೆಯನ್ನು ಹೊಂದಿದೆ.