‘ಬೆಂಕಿ’ಯಲ್ಲಿ ಅರಳಿದ ಹಾಡು

ಅನೀಶ್‌ ತೇಜೇಶ್ವರ್‌ ನಟನೆಯ “ಬೆಂಕಿ’ ಚಿತ್ರದ ಹಾಡೊಂದು ಬಿಡುಗಡೆಯಾಗಿದೆ. ಒಕೆನಾ ಇದು.. ಹಾಡು ಸಖತ್‌ ಕ್ಯಾಚಿಯಾಗಿದ್ದು, ನಾಗಾರ್ಜುನ್‌ ಶರ್ಮಾ ಸಾಹಿತ್ಯ ಬರೆದಿದ್ದು, ಆನಂದ್‌ ರಾಜವಿಕ್ರಮ್‌ ಸಂಗೀತ ನೀಡಿದ್ದು, ಐಶ್ವರ್ಯ ರಂಗರಾಜನ್‌ ಹಾಗೂ ಪಂಚಮ್‌ ಜೀವ ಧ್ವನಿಯಾಗಿದ್ದಾರೆ.

ಕಲರ್‌ ಫುಲ್‌ ಆಗಿ ಮೂಡಿ ಬಂದಿರುವ ಹಾಡಿನಲ್ಲಿ ಅನೀಶ್‌ ಹಾಗೂ ಸಂಪದ ಬಿಂದಾಸ್‌ ಸ್ಟೆಪ್ಸ್‌ ಹಾಕಿದ್ದಾರೆ. ಪಕ್ಕ ಮಾಸ್‌ ಹಾಗೂ ಕಮರ್ಷಿಯಲ್‌ ಬೆಂಕಿ ಸಿನಿಮಾವನ್ನು ವಿಂಕ್ವಿಷನ್ ಪ್ರೊಡಕ್ಷನ್‌ ಬ್ಯಾನರ್‌ನಡಿ ಅನೀಶ್‌ ತೇಜೇಶ್ವರ್‌ ನಿರ್ಮಾಣ ಮಾಡ್ತಿದ್ದು, ಇದು ಇವರ ಹತ್ತನೇ ಸಿನಿಮಾವಾಗಿದೆ.

ಕನ್ನಡ ಚಿತ್ರರಂಗದ ಹಿರಿಯ ನಿರ್ದೇಶಕ ಎ.ಆರ್‌.ಬಾಬು ಅವರ ಪುತ್ರ ಶಾನ್‌ ಈ ಚಿತ್ರದ ನಿರ್ದೇಶಕರು. ಅಣ್ಣ-ತಂಗಿ ಸೆಂಟಿಮೆಂಟ್‌ ಕಥೆಯ ಜೊತೆಗೆ, ಹಳ್ಳಿ ಸೊಡಗಿನ ಕಂಪು ಬೆಂಕಿ ಸಿನಿಮಾದಲ್ಲಿದೆ.