ಒಡಿಶಾ ಒಂದು ವರ್ಷದಲ್ಲಿ 1,149 ಅತ್ಯಾಚಾರ ಪ್ರಕರಣ ದಾಖಲು

ಭುವನೇಶ್ವರ್‌: ಈ ವರ್ಷ ಒಡಿಶಾದಲ್ಲಿ 1,149 ಅತ್ಯಾಚಾರ ಪ್ರಕರಣಗಳು ದಾಖಲಾಗಿದ್ದು, ಇವುಗಳಲ್ಲಿ 604 ಪ್ರಕರಣಗಳಲ್ಲಿ ಅಪ್ರಾಪ್ತರು ಭಾಗಿಯಾಗಿದ್ದಾರೆ ಎಂದು ರಾಜ್ಯ ಸರಕಾರ ಹೇಳಿದೆ.

ಈ ವರ್ಷದ ಮೊದಲ ಆರು ತಿಂಗಳು ದಾಖಲಾದ ಪ್ರಕರಣಗಳ ಪಟ್ಟಿ ಇದಾಗಿದ್ದು, ಗೃಹ ರಾಜ್ಯ ಸಚಿವ ಡಿ.ಎಸ್‌. ಮಿಶ್ರಾ ಸೋಮವಾರ ರಾಜ್ಯ ವಿಧಾನಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸುತ್ತಿರುವಾಗ ಈ ಮಾಹಿತಿ ನೀಡಿದ್ದಾರೆ.

2018ರಲ್ಲಿ ರಾಜ್ಯದಲ್ಲಿ 2,502 ಅತ್ಯಾಚಾರ ಪ್ರಕರಣಗಳು ದಾಖಲಾಗಿದ್ದವು. 2019ರ ಮೊದಲ 6 ತಿಂಗಳಲ್ಲಿ 1,149 ಘೋರ ಅಪರಾಧಗಳು ಸಂಭವಿಸಿದೆ. 2018ರಲ್ಲಿ ಒಟ್ಟು 2,502 ಅತ್ಯಾಚಾರ ಪ್ರಕರಣಗಳು ನಡೆದಿದ್ದು, ಅದರಲ್ಲಿ 1,430 ಪ್ರಕರಣಗಳು ಅಪ್ರಾಪ್ತ ಬಾಲಕಿಯರನ್ನು ಒಳಗೊಂಡಂತೆ ದಾಖಲಾಗಿದೆ.