ಏಕದಿನ: ವಿಂಡೀಸ್‌ಗೆ ಜಯ

ಲಕ್ನೋ: ಅಫ್ಘಾನಿಸ್ಥಾನ ವಿರುದ್ಧ ಬುಧವಾರ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ 7 ವಿಕೆಟ್‌ಗಳ ಜಯ ಸಾಧಿಸಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಅಫ್ಘಾನ್‌ 45.2 ಓವರ್‌ಗಳಲ್ಲಿ 194ಕ್ಕೆ ಕುಸಿದರೆ, ವಿಂಡೀಸ್‌ 46.3 ಓವರ್‌ಗಳಲ್ಲಿ 3 ವಿಕೆಟಿಗೆ 197 ರನ್‌ ಬಾರಿಸಿತು.

ವೆಸ್ಟ್‌ ಇಂಡೀಸ್‌ ಪರ ರೋಸ್ಟನ್‌ ಚೇಸ್‌ 2 ವಿಕೆಟ್‌ ಕೀಳುವ ಜತೆಗೆ 94 ರನ್‌ ಬಾರಿಸಿ ಆಲ್‌ರೌಂಡ್‌ ಪ್ರದರ್ಶನವಿತ್ತರು. ಶೈ ಹೋಪ್‌ 77 ರನ್‌ ಹೊಡೆದರು. ಅಫ್ಘಾನ್‌ ಸರದಿಯಲ್ಲಿ ರಹಮತ್‌ ಶಾ (61) ಮತ್ತು ಇಕ್ರಮ್‌ ಅಲಿ ಖಾನ್‌ (58) ಅವರಿಂದ ಅರ್ಧ ಶತಕ ದಾಖಲಾಯಿತು.