ಒಬಾಮಾ ಪಟ್ಟಿಯಲ್ಲಿ ದೇಸೀ ಗಾಯಕ

ನವದೆಹಲಿ: ಅಮೆರಿಕ ಮಾಜಿ ಅಧ್ಯಕ್ಷ ಬರಾಕ್‌ ಒಬಾಮಾ 2019ರಲ್ಲಿ ತಾವು ಕೇಳಿದ 35 ಅತ್ಯುತ್ತಮ ಹಾಡುಗಳನ್ನು ಪಟ್ಟಿ ಮಾಡಿದ್ದು, ಅದರಲ್ಲಿ ಭಾರತದ ದೇಸೀ ಗಾಯಕ ಕೂಡ ಸ್ಥಾನ ಪಡೆದಿದ್ದಾನೆ.

ಜೈಪುರ ಮೂಲದ 29 ವರ್ಷದ ಪ್ರತೀಕ್‌ ಕುಹಾದ್‌ ಹಾಡಿದ್ದ “ಕೋಲ್ಡ್‌/ಮೆಸ್‌’ ಹಾಡು ಒಬಾಮಾ ಮೆಚ್ಚುಗೆಗೆ ಪಾತ್ರವಾಗಿದೆ. ಟ್ವಿಟರ್‌ನಲ್ಲಿ ಒಬಾಮಾ, ಬಿಡುಗಡೆ ಮಾಡಿದ್ದ ತಮ್ಮ ಟಾಪ್‌ 35 ಹಾಡಗಳ ಪೈಕಿ ಕೋಲ್ಡ್‌/ಮೆಸ್‌ ಹಾಡಿ 22ನೇ ಸ್ಥಾನದಲ್ಲಿದೆ. ತಮ್ಮ ಹಾಡನ್ನು ಒಬಾಮಾ ಆಲಿಸಿರುವುದನ್ನು ನನಗೆ ನಂಬಲಾಗುತ್ತಿಲ್ಲ. ಇದಕ್ಕಿಂತ ದೊಡ್ಡ ಗೌರವ ತನಗೆ ಯಾವುದೂ ಇಲ್ಲ ಎಂದು ಪ್ರತೀಕ್‌ ಕುಹಾದ್‌ ಸಂತಸ ವ್ಯಕ್ತಪಡಿಸಿದ್ದಾರೆ.