ಅನುಷ್ಕಾ ಶರ್ಮಾ ಮೊದಲ ಆಡಿಷನ್ ಹೇಗಿತ್ತು ಗೊತ್ತಾ : ಲೀಕ್ ಆಯ್ತು ವಿಡಿಯೋ..!

ನವದೆಹಲಿ : ವಿರಾಟ್ ಪತ್ನಿ ನಟಿ ಅನುಷ್ಕಾ ಶರ್ಮಾ ಸದ್ಯ ತಮ್ಮ ಮಗಳು ವಮಿಕಾ ಪಾಲನೆ-ಪೋಷಣೆಯಲ್ಲಿ ತೊಡಗಿದ್ದಾರೆ. ಸಿನಿಮಾ ಕೆಲಸಕ್ಕೆ ಬ್ರೇಕ್ ಹಾಕಿರುವ ಅವರು ಫ್ಯಾಮಿಲಿ ಮತ್ತು ಮಗಳ ಜೊತೆ ಕಾಲ ಕಳೆಯುತ್ತಿದ್ದಾರೆ. ಆದ್ರೆ ಅನುಷ್ಕಾ ಶರ್ಮಾ ಅವರು ತಮ್ಮ ಮೊದಲ ಸಿನಿಮಾಕ್ಕೆ ಆಡಿಷನ್ ಕೊಟ್ಟ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ತುಂಬಾ ವೈರಲ್ ಆಗುತ್ತಿದೆ.

ಅನುಷ್ಕಾ ತೆರೆಮೇಲೆ ಕಾಣಿಸಿಕೊಳ್ಳದೆ ಬರೋಬ್ಬರಿ ಮೂರು ವರ್ಷಗಳ ಮೇಲಾಗಿದೆ. ನಟಿ ಅನುಷ್ಕಾ 2009ರಲ್ಲಿ ತ್ರಿ ಈಡಿಯಟ್ಸ್ ಸಿನಿಮಾಗಾಗಿ ನೀಡಿದ್ದ ಆಡಿಷನ್ ವಿಡಿಯೋ ಈದೀಗ ವೈರಲ್ ಆಗಿದೆ. ಅನುಷ್ಕಾ ಈ ಆಡಿಷನ್ ನಲ್ಲಿ ನಿರ್ದೇಶಕ ರಾಜ್ ಕುಮಾರ್ ಹಿರಾನಿ ಅವರ ಮುನ್ನಾಭಾಯಿ ಎಂಬಿಬಿಎಸ್ ಸಿನಿಮಾದ ಡೈಲಾಗ್ ಅನ್ನು ಹೇಳಿದ್ದಾರೆ.

ಆಡಿಷನ್ ಬಲ್ಲಿ ಭಾಗಿಯಾಗಿರುವ ಅವರು  ಹಸಿರು ಬಣ್ಣದ ಟಾಪ್ ಧರಿಸಿರುವ ಅನುಷ್ಕಾ ಅವರ ವಿಡಿಯೋ ಫ್ಯಾನ್ ಪೇಜ್ ಗಳಲ್ಲಿ  ಸದ್ದು ಮಾಡುತ್ತಿದೆ.

ಇನ್ನು ತ್ರಿ ಈಡಿಯಟ್ಸ್ ಸಿನಿಮಾನಲ್ಲಿ ಆಮೀರ್ ಖಾನ್, ಮಾಧವನ್ ಮತ್ತು ಶರ್ಮನ್ ಜೋಶಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದ ನಾಯಕಿಯಾಗಿ ಕರೀನಾ ಕಪೂರ್ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಕ್ಕೆ ನಟಿ ಅನುಷ್ಕಾ ಆಡಿಷನ್ ಕೊಟ್ಟರೂ ಕೂಡ ಆಯ್ಕೆಯಾಗಲಿಲ್ಲ. ಇವರು ಮಾಡಬೇಕಿದ್ದ ಪಾತ್ರದಲ್ಲಿ ಕರೀನಾ ಮಿಂಚಿದ್ದರು.

ಆದ್ರೆ ಮುಂದೆ 5 ವರ್ಷಗಳ ಬಳಿಕ ರಾಜ್ ಕುಮಾರ್ ಹಿರಾನಿ ನಿರ್ದೇಶನದ ಮತ್ತು ಅಮೀರ್ ಖಾನ್ ನಟನೆಯ ಪಿಕೆ ಸಿನಿಮಾದಲ್ಲಿ ಅನುಷ್ಕಾ ನಟಿಸುತ್ತಾರೆ.  ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿದೆ. ನಟಿ ಅನುಷ್ಕಾ ಶರ್ಮಾ ರಬ್ ದೇ ಬನಾದಿ ಜೋಡಿ ಸಿನಿಮಾ ಮೂಲಕ ಬಾಲಿವುಡ್ ಗೆ ಎಂಟ್ರಿ ಕೊಟ್ಟಿದ್ದಾರೆ. ಈ ಚಿತ್ರದಲ್ಲಿ ಶಾರುಖ್ ಖಾನ್ ಜೊತೆ ಪರದೆ ಹಂಚಿಕೊಂಡಿದ್ದಾರೆ.