ನೊವಾಕ್‌ ಜೊಕೋಗೆ ಮತ್ತೆ ನಂ.1 ಪಟ್ಟ

ಬೆಲ್ಗೆಡ್‌ (ಸರ್ಬಿಯಾ): ಸರ್ಬಿಯನ್‌ ಟೆನಿಸಿಗ ನೊವಾಕ್‌ ಜೊಕೋವಿಕ್‌ ಮರಳಿ ಎಟಿಪಿ ರ್‍ಯಾಂಕಿಂಗ್‌ನಲ್ಲಿ ನಂ.1 ಸ್ಥಾನಕ್ಕೆ ಏರಿದ್ದಾರೆ. ಅಮೆರಿಕದ ಪಂದ್ಯಾವಳಿಗಳಲ್ಲಿ ಪಾಲ್ಗೊಳ್ಳದ ಹೊರತಾಗಿಯೂ ಅವರು ಈ ಹಿರಿಮೆಗೆ ಪಾತ್ರರಾದದ್ದು ವಿಶೇಷ.

ಇತ್ತೀಚಿಗೆ “ಇಂಡಿಯನ್‌ ವೆಲ್ಸ್‌’ ಪ್ರಶಸ್ತಿ ಗೆದ್ದ ಕಾರ್ಲೊಸ್‌ ಅಲ್ಕರಾಜ್‌ ನಂ.1 ಸ್ಥಾನ ಅಲಂಕರಿಸಿದ್ದರು. ಆದರೆ ಮೊನ್ನೆ “ಮಯಾಮಿ ಓಪನ್‌’ ಸೆಮಿಫೈನಲ್‌ನಲ್ಲಿ ಸೋತು ಅಗ್ರಸ್ಥಾನವನ್ನು ಜೊಕೋವಿಕ್‌ಗೆ ಬಿಟ್ಟುಕೊಟ್ಟರು. ಅವರೀಗ ದ್ವಿತೀಯ ಸ್ಥಾನಕ್ಕೆ ಇಳಿದಿದ್ದಾರೆ.

ಟಾಪ್‌-10 ಯಾದಿಯಲ್ಲಿ ರ್‍ಯಾಂಕಿಂಗ್‌ ಪ್ರಗತಿ ಕಂಡವರೆಂದರೆ ಡ್ಯಾನಿಲ್‌ ಮೆಡ್ವೆಡೇವ್‌ ಮತ್ತು ಆ್ಯಂಡ್ರೆ ರುಬ್ಲೇವ್‌. ಮಯಾಮಿ ಓಪನ್‌ ಫೈನಲ್‌ನಲ್ಲಿ ಸೋತ ಜಾನಿಕ್‌ ಸಿನ್ನರ್‌ 11ರಿಂದ 9ನೇ ಸ್ಥಾನಕ್ಕೆ ಏರಿದ್ದಾರೆ.