Advertisement
ಮೂರು ಪ್ರಮುಖ ರಾಜಕೀಯ ಪಕ್ಷಗಳಾದ ಕಾಂಗ್ರೆಸ್, ಬಿಜೆಪಿ ಮತ್ತು ಜೆಡಿಎಸ್ನ ನಂತರ ಮತದಾರರ ಆದ್ಯತೆ “ನೋಟಾ’ ಆಗಿದೆ. ಅಂದರೆ, ನಗರದ ಎಲ್ಲ 26 ಕ್ಷೇತ್ರಗಳಲ್ಲಿ ಕನಿಷ್ಠ 12ರಿಂದ ಗರಿಷ್ಠ 28 ಅಭ್ಯರ್ಥಿಗಳು ವಿವಿಧ ಪಕ್ಷಗಳು ಮತ್ತು ಸ್ವತಂತ್ರವಾಗಿ ಕಣಕ್ಕಿಳಿದಿದ್ದರು. ಆದರೆ ಆ ಕ್ಷೇತ್ರಗಳಲ್ಲಿ ಮೊದಲ ಮೂರು ಸ್ಥಾನಗಳು ಪ್ರಮುಖ ರಾಜಕೀಯ ಪಕ್ಷಗಳು ಪಾಲಾಗಿದ್ದರೆ, ನಾಲ್ಕನೇ ಸ್ಥಾನ ನೋಟಾ ಪಡೆದುಕೊಂಡಿದೆ.
Related Articles
Advertisement
ಬ್ಯಾಲೆಟ್ನಲ್ಲಿ ಹಾಕಲು ಅವಕಾಶ ಇತ್ತು. ಹಾಗಾಗಿ, ಜನರಲ್ಲಿ ಈ ಬಗ್ಗೆ ಅಷ್ಟಾಗಿ ಜಾಗೃತಿ ಇರಲಿಲ್ಲ. ಆದರೆ, ಈ ಸಲ ಇವಿಎಂ (ಎಲೆಕ್ಟ್ರಾನಿಕ್ ವೋಟಿಂಗ್ ಮಷಿನ್)ನ ಕೊನೆಯಲ್ಲಿ ಆಯ್ಕೆ ಇತ್ತು. ಮತದಾರರು ಹುಡುಕಿ ನೋಟಾ ಗುಂಡಿ ಒತ್ತಿದ್ದಾರೆ ಎಂದು ಚುನಾವಣಾ ಪ್ರಕ್ರಿಯೆಗಳ ವಿಶ್ಲೇಷಕ ಟಿ.ಜಿ. ಭಟ್ ವಿಶ್ಲೇಷಿಸುತ್ತಾರೆ.
ಇನ್ನು ಸ್ವತಃ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸ್ಪರ್ಧಿಸಿದ್ದ ಬಾದಾಮಿ ಸೇರಿದಂತೆ ನಾಲ್ಕು ಕ್ಷೇತ್ರಗಳಲ್ಲಿ ಅಭ್ಯರ್ಥಿಗಳ ಗೆಲುವಿನ ಅಂತರಕ್ಕಿಂತ ಹೆಚ್ಚು ಮತಗಳು “ನೋಟಾ’ಗೆ ಬಂದಿವೆ. ಬೆಂಗಳೂರು ದಕ್ಷಿಣದಲ್ಲಿ ಬಿಜೆಪಿ ಅಭ್ಯರ್ಥಿ ಎಂ. ಕೃಷ್ಣಪ್ಪ ಅವರ ಗೆಲುವಿನ ಅಂತರ 30,417 ಆಗಿದ್ದು, ಇದರರ್ಧದಷ್ಟು ಜನ “ಮೇಲಿನವರು ಯಾರೂ ಇಲ್ಲ’ ಎಂದು ಹೇಳಿದ್ದಾರೆ. ಇದೇ ಟ್ರೆಂಡ್ ಮುಂದುವರಿದರೆ, ನೋಟಾ ಪರಿಣಾಮಕಾರಿ ಪ್ರಭಾವ ಬೀರುವ ಸಾಧ್ಯತೆ ಇದೆ ಎಂದು ಚುನಾವಣಾ ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ.
ಫಲಿತಾಂಶ ಏರುಪೇರು ಸಾಧ್ಯತೆ: ಅದೇ ರೀತಿ ಈ ಬಾರಿಯ ಮತದಾನ ಪ್ರಮಾಣದಲ್ಲಿ ಕೇವಲ ಶೇ. 1ರಿಂದ 2ರಷ್ಟು ಏರಿಕೆ ಕಂಡುಬಂದಿದ್ದರೆ, ಮೂರ್ನಾಲ್ಕು ಕ್ಷೇತ್ರಗಳಲ್ಲಿ ಫಲಿತಾಂಶದಲ್ಲಿ ವ್ಯತ್ಯಾಸ ಆಗುವ ಸಾಧ್ಯತೆಯೂ ಇತ್ತು. ನಗರದಲ್ಲಿ ಈ ಸಲ ವಿಜಯನಗರದಲ್ಲಿ ಗೆಲುವಿನ ಅಂತರ ಅತಿ ಕಡಿಮೆ ಇದೆ. ಅಲ್ಲಿ ಕಾಂಗ್ರೆಸ್ನ ಎಂ. ಕೃಷ್ಣಪ್ಪ ಪ್ರತಿಸ್ಪರ್ಧಿ ಬಿಜೆಪಿಯ ಎಚ್. ರವೀಂದ್ರ ಅವರಿಂದ ಕೇವಲ 2,775 ಮತಗಳ ಅಂತರದಲ್ಲಿ ಜಯ ಗಳಿಸಿದ್ದಾರೆ (ನೋಟಾ ಮತಗಳು 1,957).
ಆ ಕ್ಷೇತ್ರದ ಒಟ್ಟಾರೆ ಮತಗಳು 3.12 ಲಕ್ಷ ಇದ್ದು, 1.50 ಲಕ್ಷ ಮತಗಳು ಚಲಾವಣೆಗೊಂಡಿವೆ. ಕೇವಲ ಶೇ. 1ರಷ್ಟು ಹೆಚ್ಚು ಮತದಾನ ಆಗಿದ್ದರೂ ಫಲಿತಾಂಶದಲ್ಲಿ ವ್ಯತ್ಯಾಸ ಆಗುವ ಸಾಧ್ಯತೆ ಇತ್ತು. ಇದಲ್ಲದೆ, ಬ್ಯಾಟರಾಯನಪುರದಲ್ಲಿ 5,671 ಮತಗಳ ಅಂತರದಲ್ಲಿ ಮಾಜಿ ಸಚಿವ ಕೃಷ್ಣ ಭೈರೇಗೌಡ, ಚಿಕ್ಕಪೇಟೆಯಲ್ಲಿ ಸುಮಾರು ಏಳು ಸಾವಿರ ಮತಗಳ ಅಂತರದಲ್ಲಿ ಬಿಜೆಪಿಯ ಗುರುಚಾರ್ ಗೆಲುವು ಸಾಧಿಸಿದ್ದಾರೆ. ಇಲ್ಲಿ ಶೇ. 1ರಿಂದ 1.5ರಷ್ಟು ಮತದಾನ ಪ್ರಮಾಣ ಹೆಚ್ಚಿದ್ದರೆ, ಚಿತ್ರಣ ಬದಲಾಗುತ್ತಿತ್ತು.
2 ಸಾವಿರಕ್ಕಿಂತ ಹೆಚ್ಚು “ನೋಟಾ’ ಮತಗಳು ಬಿದ್ದ ಕ್ಷೇತ್ರಗಳುಕ್ಷೇತ್ರ ನೋಟಾ
-ಬೆಂಗಳೂರು ದಕ್ಷಿಣ 15,829
-ಮಹದೇವಪುರ 3,482
-ಬೊಮ್ಮನಹಳ್ಳಿ 2,491
-ಕೆ.ಆರ್. ಪುರ 2,464
-ಸರ್ವಜ್ಞನಗರ 2,405
-ಪದ್ಮನಾಭನಗರ 2,400
-ಬಿಟಿಎಂ ಲೇಔಟ್ 2,365
-ಸಿ.ವಿ. ರಾಮನ್ ನಗರ 2,259
-ಮಲ್ಲೇಶ್ವರ 2,157
-ಬ್ಯಾಟರಾಯನಪುರ 2,154
-ಆನೇಕಲ್ 2,115
-ದಾಸರಹಳ್ಳಿ 2,011
-ಗಾಂಧಿನಗರ 2,074
-ಯಲಹಂಕ 2,057 * 3.22 ಲಕ್ಷ ರಾಜ್ಯದಲ್ಲಿ ಚಲಾವಣೆಗೊಂಡ “ನೋಟಾ’ ಸಂಖ್ಯೆ
* 64,709 ನಗರ ಜಿಲ್ಲೆಯಲ್ಲಿ ಚಲಾವಣೆಗೊಂಡ “ನೋಟಾ’
* 15,829 ಬೆಂಗಳೂರು ದಕ್ಷಿಣವೊಂದರಲ್ಲೇ “ನೋಟಾ’
* 14 ಕ್ಷೇತ್ರಗಳಲ್ಲಿ 2ಸಾವಿರಕ್ಕಿಂತ ಹೆಚ್ಚು ನೋಟಾ * ವಿಜಯಕುಮಾರ್ ಚಂದರಗಿ