ಶಾಲೆಯ ಶೌಚಾಲಯವನ್ನು ಕೈಯಲ್ಲೇ ತೊಳೆದ ಸಂಸದ!

ಮಧ್ಯಪ್ರದೇಶ: ಬಾಲಕಿಯರ ಶಾಲೆಗೆ ತೆರಳಿದ್ದ ಸಂಸದರೊಬ್ಬರು ಅಲ್ಲಿ ಗಲೀಜಾಗಿದ್ದ ಶೌಚಾಲಯವನ್ನು ತಾವೇ, ಬರೀ ಕೈನಲ್ಲಿ ತೊಳೆದು ಸ್ವಚ್ಛಗೊಳಿಸಿದ್ದಾರೆ.

ಹೌದು. ಮಧ್ಯಪ್ರದೇಶದ ಬಿಜೆಪಿ ಸಂಸದ ಜನಾರ್ದನ ಮಿಶ್ರಾ ಅವರು ಇತ್ತೀಚೆಗೆ ಖಾತ್ಕರಿ ಬಾಲಕಿಯರ ಶಾಲೆಗೆ ಭೇಟಿ ಕೊಟ್ಟಿದ್ದರು. ಬಿಜೆಪಿ ಯುವ ಮೋರ್ಚಾದ ಸೇವಾ ಪಖ್ವಾದ ಅಭಿಯಾನದ ಭಾಗವಾಗಿ ಅವರು ಅಲ್ಲಿಗೆ ತೆರಳಿದ್ದಾರೆ. ಅಲ್ಲಿ ಶಾಲೆ ಪರಿಶೀಲನೆ ಮಾಡುವಾಗ ಅವರಿಗೆ ಗಲೀಜಾಗಿದ್ದ ಶೌಚಾಲಯ ಕಣ್ಣಿಗೆ ಬಿದ್ದಿದೆ. ಅದನ್ನು ಅವರು ಯಾವುದೇ ಬ್ರಷ್‌ ಬಳಸದೆಯೇ ಕೈನಲ್ಲೇ ತೊಳೆದಿದ್ದಾರೆ.

ಈ ಬಗ್ಗೆ ಮಾತನಾಡಿದ ಅವರು, “ಇದೇನು ದೊಡ್ಡ ವಿಚಾರವಲ್ಲ’ ಎಂದು ಹೇಳಿದ್ದಾರೆ. ಸಂಸದರು ಈ ರೀತಿ ಸ್ವಚ್ಛತಾ ಕಾರ್ಯದಲ್ಲಿ ತೊಡಗಿರುವ ವಿಡಿಯೋ ಎಲ್ಲೆಡೆ ಹರಿದಾಡಿದ್ದು, ವೈರಲ್‌ ಆಗಿದೆ.