ಪಾಕ್‌ನ ಅತಿ ದಢೂತಿ ಸಾವು

ಲಾಹೋರ್‌: ಪಾಕಿಸ್ಥಾನದ ಅತಿ ದಢೂತಿ ವ್ಯಕ್ತಿಯೆನಿಸಿದ್ದ, 330 ಕೆಜಿ ತೂಕವಿದ್ದ ನೂರುಲ್‌ ಹಸನ್‌ (55), ಸೋಮವಾರ, ಲಾಹೋರ್‌ನ ಶಲಾಮರ್‌ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಅನಗತ್ಯ ಕೊಬ್ಬನ್ನು ಶಸ್ತ್ರಚಿಕಿತ್ಸೆಯ ಮೂಲಕ ತೆಗೆಯುವ ಲಿಪೋಸಕ್ಷನ್‌ ಸರ್ಜರಿ ಮಾಡಿಸಿ ಕೊಂಡಿದ್ದ ಅವರನ್ನು ತುರ್ತು ನಿಗಾ ಘಟಕದಲ್ಲಿ ಇರಿಸಲಾಗಿತ್ತು.

ಐಸಿಯುನಲ್ಲಿ ಈ ಮೊದಲೇ ದಾಖಲಾಗಿದ್ದ ಮಹಿಳೆಯೊಬ್ಬರು ಅಸುನೀಗಿದ್ದಕ್ಕೆ ಸೋಮವಾರ ಆಕೆಯ ಸಂಬಂಧಿಕರು ಐಸಿಯುನಲ್ಲಿ ಗದ್ದಲವೆಬ್ಬಿಸಿದ್ದರು. ಅದೇ ಹೊತ್ತಿಗೆ ಐಸಿಯುನಲ್ಲಿದ್ದ ಹಸನ್‌ ಹಾಗೂ ಮತ್ತೂಬ್ಬ ಒಳರೋಗಿಯ ಸ್ಥಿತಿ ಗಂಭೀರವಾಗಿದ್ದನ್ನು ಯಾರೂ ಗಮನಿಸಲಿಲ್ಲ. ಸೂಕ್ತ ಸಮಯದಲ್ಲಿ ಚಿಕಿತ್ಸೆ ಸಿಗದಿದ್ದರಿಂದ ಇಬ್ಬರೂ ಸಾವನ್ನಪ್ಪಿದ್ದಾರೆಂದು ಆಸ್ಪತ್ರೆಯ ಮೂಲಗಳು ತಿಳಿಸಿವೆ.